close
這齣戲甲逐個角色攏設計的真實在，做兵的會思念母親，會想欲寫批返家乎老母，會想欲談戀愛，想欲有正常的生活，不過，上位者干那顧家己，嘸管人民死活，乎民眾日本人也做不成、中國人也做不成，怹講，一定愛有犧牲才有覺悟，不過為啥米犧牲的永遠攏是老百姓？
我感覺逐個人都是真自私的，袂去考慮身分地位比自己低的人是按怎在過生活，所以干那用怹家己自作聰明的角度在看這個世界，做一寡怹認為上好的決定，煞攏不管別人的死活。
煞戲愛收棚，做戲的人煞在戲中迷，大國民歌劇團中的查某攏希望家己可以有一個好的歸宿，這齣戲扮著扮著煞扮做真的，一旦開始付出感情的時陣，所有的一切就甲一開始攏不同了，仰嘸過，人都脫離不了這個時候，嘛無法度甲感情收煞，這些查某佮兵也是。其實我希望春子有一個好的結局，不過劇本煞乎兵長死去，真正可惜。
全站熱搜
留言列表
