身為Tâi-Oân lâng，咱攏知影Gio̍k-san是咱Tâi Oân上高 ê soaⁿ，這擺chin歡喜因為「自然生態文學選讀」這堂課 ê hō͘-gōa kàu-ha̍k，hō͘ góa ū ki-hōe會當接近Gio̍k-san，這是góa 頭一擺 lâi Gio̍k-san，iā-sī góa 頭一擺 lâi A-lí-san。去A-lí-san之前，咱先佇pùn-ki-hô͘ 呷便當，實在chin好呷！莫怪 pùn-ki-hô͘ ê便當會chiah-ní出名！佇pùn-ki-hô͘ 就會當看著美麗ê雲海，來到A-lí-san ê 時陣更加不得了，soaⁿ-niá朦朧ê感覺實在有夠美麗！ká-ná佇仙境！第二天，咱真正踏上Gio̍k-san ê 土壤，一步一步行佇Gio̍k-san 內，雖然因為天氣無好，咱看bē著Gio̍k-san雄壯ê群峰，iā看bē著光線ê 變化，但是，咱ê熱情勝過無好 ê 天氣！我ìn-siōng 上深ê一段路，就是行佇微雨中ê Gio̍k-san柴頭步道，由在hō͘ -chúi 拍佇góa ê 面，chhiū-a佇邊仔陪伴góa行佇lak-hio̍h鋪成ê 路，真正chin享受！
Góa chin hán lè pê soaⁿ，但是因為這擺的hō͘-gōa kàu-ha̍k，hō͘ góa 開始尬意著pê soaⁿ，開始尬意接近大自然這種真正pàng-sang ê 感覺，因為佇這擺ê 旅程中，我真正感覺著chia-ê soaⁿ-niá、chhiū-a、chháu- bo̍k、hûn-bū iā-sī hō͘ -chúi 都是góa ê朋友，góa佇風雨中享受著chia-ê 朋友 hō͘ góa ê kìⁿ-bīn lé-bu̍t！
留言列表
