close
欲出發的前幾工，天氣攏毋好，予我真煩惱，無簡單前一工的天氣是好天，我心內就想講按呢無問題啊，結果欲去的彼天，透早就開始落雨，實在予人心情真䆀，因為落雨是一件真麻煩的代誌，上驚會看袂到風景。這遍旅行欲去peh-soaⁿ，總共有兩个山，一个是A-lí-san，另外一个是Gio̍k-san，是一擺足難得的經驗，因為若是家己欲去，凡勢攏袂拍算講欲去，所以我就家己報名參加這難得的機會，滿心期待準備好好去體驗佮感受。
頭一工去pùn-ki-ôo，pùn-ki-ôo的便當真出名，所以我佮朋友鬥陣買一个便當來食，一个便當雖然愛一百箍，毋過當頭家娘共有夠懸的便當捀出來時我驚一著，因為實在是有夠澎湃！有一項菜特別好食，聽講是山上才有的，予我食甲足歡喜！
紲落來阮就去A-lí-san行行看看，老師in攏足有學問的，捌足濟物件，介紹足濟物件予阮聽，聽甲真趣味，姊妹潭馬足媠的，親像古裝武俠片的畫面，落尾天暗矣，阮就趕緊轉去暗時袂住的所在。暗時大家攏足早睏，因為隔工愛早起，電火一關，大家攏kôⁿ去矣，賰我一个睏袂啥去，害我早起是上晚起床的！
第二工，雖然無機會坐火車看日出，毋過阮馬有看著真濟真媠的風景，雖然定定咧落雨，毋過落雨馬是有落雨的風景，馬是真媠！足水的雲海，看起來敢若親像一幅圖，敢若家己就是這幅圖的一部分，馬有看著足濟隻古錐的台灣猴佮台灣才有的動植物，猶有足大欉的鐵杉，實在有夠媠的媠，雖然這逝一直咧落雨，毋過大家會當有一个遮爾特別的經驗實在是真有價值！
全站熱搜
留言列表
