close
心得感想--白水湖春夢
白水湖春夢是我最近看的冊內底劇情上平靜，也毋過感動我上深的一本。這本小說是用台語共一屑仔華語所寫的，所以心得用台語寫嘛閣較有感情。
冊的內容是咧講佇白水湖這个所在，迒過幾个世代，無仝的家族發生的故事。有人生，嘛有人死，有人歸世人活佇悲傷內底，嘛有人將傷心藏佇心內，堅強的面對生活。
「人，就親像佇火燒厝內tshit-thô的囡仔。」人活佇世間，本身就是來受苦的。不管是啥人，攏有無可奈何的時陣，攏愛為着生活來犧牲家己所愛的物件。痛苦一工是一工，快樂一工嘛是一工，頓悟啊，開竅啊，看這个世間看了閣較清楚啊，才發現家己嘛是猶閣存在佇這个世界。
這本冊的佛學思想足濟，嘛使我頭一擺認真思考生命的意義，內底有真濟道理，值得咱沓沓仔去理解共解讀。
全站熱搜
留言列表
