close
3月24這工真正是一个好日子，因為這工是阮表姊結婚的日子，早起七點偌就去表姊in兜幫忙準備物件，逐个人攏真無閒，這是我第一擺參加遮爾完整過程的婚禮，以前攏干焦是去食辦桌爾爾，毋過這擺參加婚禮是我足特別一擺經驗，看著一个真完整的過程，阮小妹這擺閣予阮表姊請去做伊的伴嫁，本來彼工我閣愛做穡，後來阿母講阮攏要去喜宴會場幫忙所以就叫我愛請假，我嘛趁著一頓好料。 這歸个過程予我感覺真趣味，佇茂賢老師的課就有上過結婚的過程，毋過隨著時代的進步嘛有無仝款的做法，我姊姊的朋友閣安排新郎愛過五關才會當看著新娘，娶伊轉去。每一關攏真趣味，予我印象上深的關是:臆胭脂印-臆佗一个是阮阿姊的，臆毋著新郎佮伴娶閣愛接受處罰，處罰是食包著特殊醬料的棉花糖，沒想到in紲講袂歹食。閣有阮姊夫閣獻唱一條歌予阮表姊，這真正是足使人感動，雖然過程真好笑、趣味，毋過我相信這个婚禮一定是阮表姊一生難忘的回憶。 3月26這工暗時有一个真特別的活動，是由耀乾老師主辦，是一个欲教阮按怎樣寫 出一个台語的教案，雖然我並無上教育方面的課，毋過我感覺會當加學一寡仔物件嘛是袂歹，其實是因為最近有咧考慮欲報考教育學分的課，較早攏無接觸這方面的知識攏感覺家己無興趣，毋過因為參加國際志工社接觸到，嘛予我無仝的想法。這工的課予我學習著真濟的物件，予我看著原來上課嘛會當安排真濟趣味的活動，予小朋友袂感覺上台語課是一件無聊的代誌。
全站熱搜
留言列表
