close
平常時水龍頭轉咧就有水，就感覺袂著無水的重要性，親像洗面的時陣就放水直直流，這就是無好的習慣。這擺欲停水24小時，遮知影有足多無方便的所在，若是無水，沒法度洗身軀、沒法度啉燒水……我去外面的洗衫店看到有人攏已經共衫囥入洗衫機，但是機器只是一直轉煞無水，彼个人遮想著停水，伊就感覺足懊惱。無水閣會影響公共環境的衛生問題，無公德心的人就會共環境舞足垃圾予別人無好的感受，遮實在是足無應該。有一寡人佇停水了後，閣洗衫褲，我感覺按呢抑是較無好，無水所以愛閣較珍惜水資源，因為毋知水塔內到底賰偌濟水，若是有人一定愛用水煞無水通用嘛是一件真煩惱的代誌。經過這擺，以後我會閣較愛惜水資源，改掉無好的用水習慣。
全站熱搜
留言列表
