close
拜四早起，有共一甲鬥陣修的「台灣工藝入門」。是瓷仔創作的課程內容。細漢的時陣上過這款課，大漢了
後著攏沒啥磕過。感覺是真心適。
這禮拜的課，一開始老師先講一寡理論，講瓷仔有啥物種類，欣賞幾个大師的作品，乎阮感受瓷仔的美。然
後就來到工廠，因為真久沒人使用，所以愛先摒掃。阮這組拄好負責摒掃，頭一个工課是擲掉舊的、無欲愛的作
品，提一个麵粉袋，共無愛的物件攏擲落去，聽著瓷仔破去的聲，心內淡薄仔爽，嘿嘿。
快樂的時間總是過了特別緊。清了的糞埽，阮愛共扛去一樓〈教室佇地下室〉，每一个袋仔攏重khuainn5
-khuainn5，對糞埽場轉來教室上課的時，我攏開始流汗矣。
無簡單，總算會當來做瓷仔矣！共一塊塗捻捻、挲挲、組合起來，著是一个基本的矸仔。看著一塊塗佇我的
手中沓沓仔變成矸仔，實在真有成就。
聽講這個「半成品」會入瓷仔窯燒。毋知到時伊會變作按怎呢？我足期待ooh！
全站熱搜
留言列表
