close
頂頂禮拜ê連假，我佇咧拜二ê中晝就歡喜ê轉去ah，然後，佇拜三下晡，阮幾個同學約好做伙騎機車去高雄ê旗津tshit-thô，其實，這是我頭一擺挑戰騎遮爾遠ê路，頭先，媽媽佮爸爸抑袂放心予我騎遮遠，而且我閣愛載別人，毋過佇咧我一再ê向in保證我袂騎傷緊，一定會沓沓仔騎，我嘛會注意安全了後，in總算才答應。
拜三，我誠實成功ê騎到旗津ah，到遐了後，阮先佇遐食冰，然後才騎著機車坐渡船到對面，阮去「戰爭佮和平紀念公園」，閣去燈塔遐觀賞一下風景才轉去厝，暗頓食了轉去到厝攏已經欲九點ah，趕緊去洗身軀了後又閣隨轉去阿嬤兜食雞卵糕，替伊慶祝生日，有影是充實又閣歡喜ê一工。
全站熱搜
留言列表
