close
頂禮拜二的演講有講到幾寡仔趣味的代誌佮幾寡仔予身為台灣人的我誠悲傷的代誌。譬如講，沈建得博士捌底咧台灣血統推論>這本冊內底寫講:台灣人有百分之九十攏是番仔的後代，猶閣有林媽利教授底咧我們流著不同的血液>這本冊寫講經過伊用較科學的方法證實:台灣人有百分之八十五有南島民族的血統。實在是誠趣味，明明阮攏沒漢人的血統，煞掠準家己是漢人，閣學漢語、保存維護漢文化，上害的是阮竟然綴咧唐山漢人來迫害家己祖先的文化，這件代誌真正值得阮好好仔來思考、反省，上好會當較積極的為阮〝真正〞的本土文化盡一份心。
前幾工我有共台文BONG報提來翻翻看看仔，其中有一篇菜市仔學堂>足趣味，作者講伊袂曉去傳統市場買菜，是一个菜鳥仔，嘛不知影物件秤重的單位是啥物，所以每一擺就用:「Tse 按怎賣?」來開嘴，按呢賣菜--ê就會共伊講是一斤猶是一兩，就袂買毋對阿!爾且，傳統市場是一个誠有人情味的所在，買菜閣會加減送你蔥仔、韭菜、芹菜佮芫荽，若是底咧超市買哪有遐好康會當免錢送你，看煞這篇文章了後，我就想到我常常佮阿母去買菜的時陣，真正是有感受到台灣菜市場內底，足深足深的人情味!
全站熱搜
留言列表
