close
因為期中考了後，我抑是無法度放予輕鬆仝款有真濟報告愛做，為著欲逃避現實無想欲予報告縛牢牢，我拜六就轉去高雄，想講換一个環境看莫，看我規个人敢會較清醒，所以我拜六著坐三點外鐘的客運轉去到高雄。個外月無轉來，雄雄感覺高雄有淡薄仔生份，毋過我想應該是我家己的錯覺爾爾。然後，阮阿姨來捷運站接我，閣來伊𤆬我去踅「夢時代」，果然人佇鬱卒不爽快的時，踅街著對啊!拄好，我看著一雙白色的鞋仔蓋好看，所以就佮買轉去。這時陣，我規个人攏真快樂。果然，踅街就是會使予我放輕鬆的好方法。
全站熱搜
留言列表
