close
「師資生」的考試結束矣！因為這馬攏用電腦拍字，足濟字分袂清楚，考國文改錯字的時陣，我的目睭強欲花去。數學的考試足困難，本底對我這款遮爾佮意數學的人來講應該是無啥物問題，但是傷久無算煞生鉎矣！希望我會當通過。
五月四號禮拜日，我下班了後去學校參加福智青年社所舉辦的「感恩禮讚」活動。總共有六个學校，每一个學校攏有演出，咱班的瑛娟嘛有上台！每一條歌的歌詞攏真有意義，爸母的恩重如山，真正愛把握時間好好有孝in！
「你若欲有孝序大毋免等好額，世間有阿母惜的囡仔上好命，毋通等成功欲來接阿母住，阿母啊！已經無佇遐。哭出聲，無人惜命命。」
這个禮拜日就是母親節矣！開嘴共阿母講一聲：「我愛你！」若是較閉思的人嘛會當用行動來表達對阿母的感謝。時間是真真貴的，所以咱袂當浪費。
全站熱搜
留言列表
