close
今仔日拄著真濟好的代誌，透早先佇"課值組”鬥相共，熟似了真濟人，我有佮一个阿姐開講，講著一个學姊(別系)，伊有伊的夢想佮規劃，自助旅行，我聽了對這位學姊產生興趣。阿姐閣共我講，全班干焦伊蹛佇”莊敬院”我想起我隔壁的隔壁，有一个人佮阿姐講的人很像，原來就是伊，經過我再三共阿姐講伊的外表特徵。這件代誌予我感覺世界實在有夠細的啦!閣有我去幫忙一个緣投的學長，做伊的”小幫手”(發花痴當中~請莫接近)，閣有今仔日是阮社團”蘭亭盃”活動的日子，我有去參加比賽，毋過因為傷過緊張，真濟物件，我攏無發揮甲上好，真濟毋對的所在。我比賽了第一個想法是我那會使共我傷佮意的歌曲搝甲遐呢歹聽，我實在是有夠傷心。毋過人講「拍斷跤骨，顛倒勇」我愛學習這句話的精神，繼續加油！
全站熱搜
留言列表
