close
頂禮拜日，我答應同學愛去鬥腳手，一睏起來，就準備出門。衝到咱系的系館去，發現已經有三个人佇咧無閒阿，我就加入鬥陣做代誌，對十點做到下晡，對黏佈景kah伊組合起來，就開阮真濟時間阿，閣愛貼紙去底面。雄歹做的是裝飾品，因為阮用保麗龍做的，所以阮干礁是鉸好伊的型就開bē少時間阿，閣免講是畫造型和修伊最後的型，雖然佇咧做的過程中，抵著一些問題，毋閣我遐日也是過了真趣味，真歡喜。我已經足久無做這款大的作品阿。會記得我頂擺做大的作品也已經是一年前阿，真懷念遐種做作品的快樂。
全站熱搜
留言列表
