生活週記6-陳翊綺－Hongtin Tsok-gia̍p bāng

頂禮拜六，我參加一个系上辦的客家的活動，彼工中晝阮對學校出發，先到石岡區的土牛國小聽蘇生勇老師的演講，不過我欲佮蘇老師講一聲歹勢，因為伊的演講內容干若小漢咧上歷史課，所以有聽到啄龜，實在是足歹勢的，了後阮出發到土牛客家文化園區，參訪內面真濟物件，像傳統的客家建築、學著大埔的客家語言，擱去一個叫"西穎堂"的所在，聽講這个所在是進前是一个號做陳文進的人的厝，看起來足氣派的，另外，我擱因為參訪這个文化園區了解為啥物客家的厝頭前攏愛挖半月型的埤仔，因為這个埤仔毌若會使打火、飼鵝，上主要的是會使招財，其實客家人嘛足信風水的。
毌過予我印象上深的是暗時去山頂看火金姑，滿山坪的火金姑閃閃爍爍，加上天頂無雲，天氣足好的，滿天星加上滿山的火金姑，干若是佇宇宙仝款，彼種感覺真正足特別，嘛於我有淡薄仔感動，有一種人佮大自然比起來真正足小的感覺，但是彼種景致真正足媠的。