close
頂禮拜日，是一年一度的母親節，為著欲轉去厝佮阿母做伙過節，我佮佇台中咧讀冊的阿姊提早兩禮拜就訂好火車票阿，真驚母親節彼天買袂著轉去厝的票，就佇咧欲轉去高雄過節的前幾工，我就敲電話佮阿姊參詳，欲買啥物雞卵糕送予阿母，一開始我建議買提拉米蘇，結果阿姊講彼應該是我想欲食的吧!為著欲證明我的清白，我決定莫買彼，後來我講若無買薔葳派好毋?阿姊講阿母袂愛食彼，猶是買蜂蜜雞卵糕，阿姊閣講彼愛排隊，就佇咧一直予伊拍銃之下，我決定無要買阿，後來轉去到厝，上大的阿姊煞共我講，阿母真愛食薔葳派阿，聽了我決定以後猶是莫三心兩意，想欲買就買吧，雖然這擺攏無買雞卵糕，但是阿母我也是足愛你的。
全站熱搜
留言列表
