close
頂禮拜三去幼稚園教小朋友教台語，阮教的是中班的學生。每一个小朋友攏細
細的古錐古錐，佇教第一个班的時陣是有四十幾個小朋友的大班級，這班的小朋友
非常的活潑，雖然有一寡失控，阮需要用真大聲才會使壓過小朋友的聲，不過in每
一个攏非常的熱情，攏誠踴躍的對答問題。
後來第二个班的小朋友就攏真乖，真聽話，in班佇耍遊戲的時閣會無知覺的
一直往前倚近，是足可愛足可愛的一班。阮教in一寡有關動物的講法，tshuā in耍
有關動物的大富翁遊戲，最後閣送每一个小朋友禮物貼紙和筆。
這次的教學經驗，予我知影教幼稚園毋是一件簡單的代誌，嘛真佩服遐的老
師攏真有家己的一套去管理學生，予學生乖乖的聽話。下課的時陣閣有小朋友走
來共我們說in感覺真趣味，閣祝福我們逐工快樂，實在是一陣足古錐的小朋友，
予我感覺進前足拍拼咧做的教具實在是有價值囉。
全站熱搜
留言列表
