close
頂禮拜的禮拜是阿母的節日，阮規家伙仔作伙去食一間阿爸佮阿母看足久,毋敢入去的日本料理.其實我嘛看足久矣,毋過對我來講,彼種店攏真貴,所以無想過家己去食,這擺會當實現,足歡喜的！毋過嘛是阿爸開錢,哈哈！
有熟的、有生的,有su-si、有sa-si-mi,有清酒、有紅酒,每一項我攏足想欲食的！這馬咧回想著流喙瀾矣！尤其是彼有淡薄仔用噴銃烘過的「握壽司」！魚仔的甜、烘過的芳,真正是足好食的啦！
食了了後,對伊的想法無真好嘛無真䆀,普通普通,物件是足好食,嘛足媠的,服務有好,氣氛嘛袂䆀,毋過…足貴的啊！一份手掌差不多大的魚卵飯著愛百二箍、海產火鍋愛八百八,除了價數有淡薄仔懸以外,魚仔的料理攏足鮮的,sa-si-mi嘛是.
毋過冷靜想想咧,貴嘛毋是無道理,in的料理真正足鮮足好食,較輸有人欲請我食這間,我一定袂推辭！
全站熱搜
留言列表
