close
閒閒的日子過了無偌久，一件一件代誌就一直出現佇我的行程表內底，排完所有的時間了後，我看甲強欲昏去，無閒的日子猶閣來囉！
最近就是愛無閒大四送舊的代誌，我是佈置閣製作道具小組的其中一員，逐家嘛攏是真無閒，為著大四的送舊活動，無暝無日的一個月就算講閣較按怎忝，嘛是愛拍拚做到最後，為著這个活動會當展現予學長學姊有上好的表演！
這禮拜是台語週，有真濟古早時的四秀仔佇阮的系館賣一個禮拜喔！真正是有夠懷念的，因為細漢時，定定會佮媽媽作伙去雜貨仔店買四秀仔，我真愛食「羊媽媽」的羊乳片，這馬猶閣有佇賣呢！所以佇開始賣的頭一工，我就先買一盒來食矣，真讚！
全站熱搜
留言列表
