close
最近學校有公布歇熱的時陣的活動，其中有一項我真想欲參加，毋過拄好我欲去馬來西亞，這个活動嘛是欲出國，是欲去韓國，欲去韓國教育大學做交流，我想欲去是因為我佇寒假的時陣有招待，所以我有熟似一寡人，我佮變成好朋友，閣約定我會去韓國揣𨑨迌，嘛有寫批予我講這擺的活動嘛會參加做負責招待的人，毋過活動日期拄好佮我欲去馬來西亞的日子相拄，唉～真可惜袂當去。毋過我志工社的人做伙約定，以後一定會去韓國揣。
這禮拜日是西洋的母親節，阮兜提早慶祝，佇禮拜三的時陣，媽媽較早咧照顧的囡仔佮伊的父母講欲佮阮做伙慶祝，嘛講５／１２拄好是囡仔爸爸的生日，實在是真拄好，閣買雞卵糕來佮阮做伙慶祝、食飯，真快樂的一工。今年福智青年社團有提供免費母親卡片，予大家寫批予家己的母親，我嘛有去參加，佮有寫予我的阿媽佮外媽，毋知有收到無！？
全站熱搜
留言列表
