close
今仔日實在是緊張刺激的一工，一透早佇咧鳳真老師的課，就愛上台kah逐家分享台語長篇小說，我報告的彼篇呼做阿瑛阿>>，對講台語無啥內行的我，念起來實在足吃力的。原本想講，報告煞就會使喘一口氣，結果煞毋知有一個特別的禮物，佇咧我的位等我，就是「拍好分數的期中考卷」，實在是誠恐怖，遠遠看到我紅記記的考卷，猶未看到分數，心內就咧phi̍h-pho̍k-tshái矣！我千萬袂使就按呢死去才好！
頂禮拜日是母親節，咱全家攏轉去kah阿媽做伙慶祝，我送予阿媽一個誠媠的「寶盒」，是用玻璃做的，彼是我特別去選的，一看到就感覺誠適合阿媽的風格，足有氣質，阿媽收到是足歡喜的kah伊所有的耳鉤囥咧內底，最後煞連鎖匙嘛囥入去，阿媽實在誠古錐，阮逐家攏足歡喜矣！
全站熱搜
留言列表
