close
夜市仔，是每一个人細漢時上佮意去的所在，會使佇暗時出門踅夜市，對囡仔來講，是真趣味佮期待的！
阮遮較庄跤，夜市是每禮拜六一擺，對囡仔來講，拜六一到，攏會走去共爸母吵鬧，想欲去踅夜市，有時陣爸母袂答應，有時陣會使去，阮囡仔人就會真歡喜，講著踅夜市，當然是食物件佮tshit迌，夜市仔的食物有真濟，『鳥仔卵、章魚燒、牛排、炒麵、滷雞跤、烘肉、雞排、麵包』百百款的食物予你選，你欲啉涼水嘛有，你欲買需要的物件嘛揣會著，夜市仔真的是一个方便的所在，生理人熱情喝賣，囡仔人嘛耍甲真歡喜，佇寂寞的暗時，遮是一个鬧熱的王國。
台灣的夜生活『夜市仔』，大人囡仔攏佮意，連外國人嘛會來體驗，這種特別的文化，外國人in的國家的店攏早早就關起來啊，暗時佇外口根本無人賣物件，我會使講生佇台灣真幸福，佇暗時閣有夜市仔踅，免驚腹肚枵著。
全站熱搜
留言列表
