close
拜三，我佮賈宜臻做伙去聽大漢國樂團的音樂會，毋過因為我對國樂無啥物了解，所以有一寡仔樂器是上網查的，我會上網查是因為我袂交報告佮我感覺這个樂器的聲真好聽。我是第一擺認真聽國樂的表演，雖然佇細漢的時候有聽過，毋過彼時逐家攏誠無閒，因為要共邊仔的好朋友開講，所以攏無認真聽。這擺因為報告我去聽矣，我感覺真有意義。
拜四，是王詩晴同學的生日，本來阮是想袂創治伊，毋過有人講，年紀碰到9的彼年，袂使慶祝，所以阮著放捒矣。後來阮有決定買一个雞卵糕予伊，毋過因為in早起攏要上課，干焦我無，所以我就共in講我去買，然後佇最後一節課才提出來予伊。雖然我無知影伊有著生驚無，毋過我希望伊會使感動，因為買雞卵糕真忝。暗時是送舊活動的彩排，所以我有淡薄仔緊張，因為學長佮學姊攏佇，我驚我會跳毋著動作，最後我順利跳完矣，我嘛無跳毋著。我跳完後，我有留下來看學長佮學姊的表演，我感覺in真厲害，因為in會使想著真濟奕，in的舞嘛跳甲真好，所以我感覺in真𠢕。
全站熱搜
留言列表
