close
時間過甲足緊，一躡目就底欲放歇熱矣，認真回想這一年來，學到足濟足濟物件。第一擺知影原來台語會當用寫的，第一擺遐爾深入識似客家文化，第一擺學習到實用的日語，嘛是第一擺佮全台灣的人做伙瘋媽祖。這一年來，就親像發現一个識似足久的朋友，有我完全沒看過的新面貌，伊就是台灣。
家己心內嘛真歡喜，因為這嘛講話的時陣，攏會盡量講台語抑是講一寡客話、日語，佮朋友攏會互相漏氣求進步，因為語言本來就是按呢，敢講講久就是你的。爾且我嘛深深相信，台灣人本來就應該講台灣話矣!
這學期底欲過煞了，我足毋甘欲佮我相處一年住宿舍的好朋友分開，想當初剛開始大家攏無熟，氣氛真正是有夠奇怪的，到這馬大家攏已經親像親人仝款，有快樂的代誌，大家會做伙分享；有時陣悲傷時，嘛會互相安慰，會互相提醒、互相怨嘆，其實當初我的父母攏不贊成我來外縣市讀冊，但是我這馬感覺，這是一个足有價值的決定，我學習到獨立、我學習到寬容，這段住做伙的記憶，我應該一生攏袂放未記。
全站熱搜
留言列表
