close
頂禮拜四下晡，茂賢老師安排阮班去九天民俗技藝團本部做體驗，因為我驚講到時陣會揣無路，所以頂禮拜二暗時我閣特別先去揣路，落尾閣順紲看夜景。
其實我進前已經看過幾若擺九天民俗技藝團現場的表演，毋過從來毋捌去過in的團本部。這擺佳哉有茂賢老師，阮才會使佇學期尾欲結束進前去九天的團本部參觀。這擺的體驗營內容包括藝陣文化的介紹、拍鼓體驗、畫家將臉譜抑有大仙偶仔和家將體驗，每一个項目攏有老師咧𤆬，雖然干焦只有半工的時間，但是逐家嘛是攏耍甲蓋歡喜閣翕真多相片。相信體驗的種種會予逐家足難忘，嘛會當閣較了解民俗藝陣的文化。而且這種類似的體驗活動，一般人若是想欲參加，九天是愛收八百箍的呢!阮這擺真正是趁到啊!
全站熱搜
留言列表
