close
這禮拜開始著是期尾考的時間矣，雖然有幾科攏是做報告交予老師著會使矣，毋過有的愛用筆試來拍期尾的成績，毋過於我印象上深的是林美雀老師教的歌仔戲課，為啥咪按呢講咧?因為歌仔戲課欲考的毋是筆試，嘛毋是交作業，是欲考歌仔戲的身段，就是愛一爿唱歌一爿比動作，了後擱愛念口白，這擺老師講阮的內容比進前學長學姊的簡單足濟，昨昏12點外佇厝內練習，足驚會吵著隔壁的，毋過好佳哉，隔壁的講無啥聽著。
因為今仔日有補課，所以頭起先，著是第6、7節課的時陣，老師先教逐家抽籤，了後用逐家抽著的號碼，7个一循環，輪流到舞台前練習，練2節課了後，著是正是的考試時間矣，因為我是彼節課鬥相共的人，所以負責放音樂，輪到我考的時陣，真正足緊張的，原本佇台跤擱感覺有練習著好矣，結果毋是，家己擱愛冷靜落來，無若是記好的物件全部袂記了了，害家己的考試分數無好，按呢會予人感覺足捶心肝，足毋甘願的，好佳哉，最後有順利考了，其實我有感覺著家己咧考的時陣，連聲音佮手跤攏一直咧趒，強欲昏昏去矣。
因為今仔日有補課，所以頭起先，著是第6、7節課的時陣，老師先教逐家抽籤，了後用逐家抽著的號碼，7个一循環，輪流到舞台前練習，練2節課了後，著是正是的考試時間矣，因為我是彼節課鬥相共的人，所以負責放音樂，輪到我考的時陣，真正足緊張的，原本佇台跤擱感覺有練習著好矣，結果毋是，家己擱愛冷靜落來，無若是記好的物件全部袂記了了，害家己的考試分數無好，按呢會予人感覺足捶心肝，足毋甘願的，好佳哉，最後有順利考了，其實我有感覺著家己咧考的時陣，連聲音佮手跤攏一直咧趒，強欲昏昏去矣。
全站熱搜
留言列表
