有誠心的信仰乎人有一種倚靠，這是無信仰的人無法度想像ê，連我家己嘛是，自從前年去了一擺大甲媽，才發現信仰對人們的影響是遐爾大，今年，我又去了一擺，無報告的壓力，輕輕鬆鬆的享受過程。彼工，天氣烏陰，袂傷熱，這款天氣行起來上爽快，行無偌久，著看著媽祖的轎仔，誠幸運有著nǹg轎腳，祈求健康平安，好笑ê是，佇歇睏食飯的所在，有一陣人毋知leh看啥，圍一liàn，原來是排隊和報馬仔翕相，實在是誠趣味的畫面，後來，猶擱拿到一條報馬仔的紅線，聽講，拿到紅線，愛向媽祖婆下願卡有效，莫怪，有人講有靈有人講無靈。看著誠濟學弟學妹leh採訪，我嘛想起以前我寫報告的情形，其實每一擺的遶境，無管是毋是大甲媽抑是其他，攏有誠濟感動人的故事佇裡底，乎人感覺誠感動，嘛知影信仰對老百姓的重要。
- Apr 14 Sun 2013 22:16
學習週記4-朱婉綾
- Apr 14 Sun 2013 21:02
生活週記4-陳思穎
抱著期待佮緊張ê心情,咱終於等到這工,就是大甲媽繞境ê日子,佇咱是大一生ê時陣,咱跟隨大甲媽祖行了一天,彼工實在是收穫誠濟,我看著逐家對媽祖虔誠ê信仰,無論太陽有多大,逐家攏無怕,無論整條路有多長,信徒們攏當作是跟隨媽祖ê代價,今年,咱欲挑戰行九天八夜ê遶境活動,行李攏誠大佮淡薄仔ê重,佇第一工,咱由暗時十點走到隔日ê透早七八點,整個跤非常ê痛,我攏感覺我ê跤毋是我家己ê阿!第一擺行遐邇遠ê路,我感覺誠辛苦,抑毋過嘛有淡薄仔ê成就感矣!九天走完了後,我相信我會學到誠濟!
- Apr 14 Sun 2013 20:26
青春記事5-黃淑欣
佇拜一，我體驗一工ê行媽祖，阮從雲林落車，行透日後到嘉義。行媽祖ê路上有真濟人，予阮誠濟食物閣有礤冰，毋過因為我破病，所以只好放捒想食冰ê欲望。我感覺行媽祖ê時，逐家ê心親像予人綁做伙，毋管是行路ê人也是路邊予人食物ê人，逐家lóng是為著仝款ê代誌。行媽祖真忝，我行一工就佇轉來學校ê遊覽車上睏去矣。
- Apr 14 Sun 2013 19:47
生活週記4--黃靖玉
佇今年四月抑是舊曆接近三月的時，有一件真重要的代誌，彼就是『三月瘋媽祖』，對國曆四月五號起駕到四月十四回駕，真濟信徒會綴媽祖行九工八暝，對大甲鎮瀾宮行到新港奉天宮，閣對新港行轉來大甲。
- Apr 14 Sun 2013 12:23
青春記事5-高秀婷
對頂禮拜五舊曆貳月貳十五暗時就開始行媽祖,佇咧大甲鎮瀾宮的時陣,廟的四界攏是人,有佇咧看鬧熱的,嘛有欲去拜拜的,實在是非常好耍.半暝時媽就出巡矣,我本來想講半暝走路會誠恐怖,但是沒想著一點仔攏袂,因為沿途攏會放炮仔佮歌曲,上予我歡喜的是沿途攏有好心的人會分物件予人吃,而且亻囚攏足熱情的喝：「緊來吃阿~真正非常好吃,而且攏免錢.」,其中印象上深的的是,有小漢囝仔提物件予阮吃,若是沒佮伊提,伊會哭甲歸面全目屎,若是有佮伊提,伊就會笑甲若親像一蕊花,實在是足古錐足得人疼.
我嘛有佮媽祖繡旗隊的姐姐、阿嬤亻因開講,亻因真正攏足虔誠,雖然腳攏腫佮親像豬腳, 亻因攏袂喝忝顛倒更加堅持落去,實在足偉大閣足予人誠感動,所以我參加的遶境團隊,提供免錢的明信片,予亻因會當寫轉去厝內, 亻因足濟人攏袂曉寫字,所以阮攏會幫忙寫,看到亻因提著明信片的笑容,彼个畫面足水!
- Apr 13 Sat 2013 22:32
青春記事4-楊文菁
這個禮拜一我佮台一甲全班做伙去行大甲媽，我感覺這擺的活動足有意義的，佮我想的攏無仝款，我完全無法度想像連續行四點鐘是啥款，自雲林行到嘉義我嘛無法度想像，好佳哉行大甲媽的一路上，攏有足濟慶祝媽祖生日的人送足濟足好食的物件乎阮食，猶有朋友佇我邊仔佮講話乎我袂感覺無聊，然後我感覺佇路邊同齊慶祝媽祖生日的人攏熱情的，直直送乎阮物件閣一直對阮說：「加油！加油！」雖然行了的時陣，我的已經足疼閣酸的，但是我感覺這擺的經驗佮行路的疲勞足值得的！因為這是我頭一擺行大甲媽！
- Apr 13 Sat 2013 22:19
報名2013第3屆查台語詞典比賽
各位修鳳珍的「台語文讀寫2」、「台語文學賞析與寫作」及「現代散文賞析與寫作」的同學，緊照過來ooh~~你若有報名參加【2013第3屆查台語詞典比賽】比賽，學期分數項目的【台語文自主學習】：參賽者得3分，教會公報獎得4分，第三名得5名，第1-2名得6分。請大家家己去報名ooh。※報名時間：公元2013年4月12日10:00至4月26日17:00止。※比賽地點：國立成功大學榕園校區 修齊大樓（暫定）※比賽時間：公元2013年5月4日（六）下午2:30～4:30（約2小時）。
※注意事項：請交至少200字的台語文心得並請附證明相片至少1張。請連同相片，發表在【無名小站hongtintgb】頂頭。（這個心得可抵當週無名小站hongtintgb「週記」的作業1篇，週記本來就愛交200字以上，你無了著ooh。）
﹝證明相片請先上傳到「2013學生作業上傳相片」相本，再於發表文章時，點選「從相簿插入檔案」，貼在週記文章內。﹞
- Apr 13 Sat 2013 22:07
青春記事4-賈宜臻
青春記事4
這禮拜阮去大甲媽遶境，阮看到足濟ê物件，予我足感心矣，雖然誠累但是我感受到毋但香客ê熱情，嘛有信仰ê力量，感受到鄉村ê自然佮快活，腳嘛行了誠酸，真正足痛矣，倒迴來了後，幾工ê行路方式攏足好笑矣，骱邊足疼真正足beh爽快，佇行ê時陣，阮佇開講講到二年時阮欲行九工ê代誌，阮想足濟ê方法想欲閃避，後來阮想想矣也是行路較好，因為會當看到足濟ê人文風景，這寡ê風景是真正媠ê風景。
- Apr 13 Sat 2013 21:54
生活週記4-邱瓊誼
好家在大甲媽有提早行煞，若無就聽袂著遐呢讚的演講矣。今仔日我到台中一中去聽一个講座，是金枝演社的藝術總監兼導演 王榮裕先生 所主講，伊除了分享金枝演社的發展過程，嘛介紹台灣戲劇的成長背景，我感覺今仔日我毋若增加對戲劇的了解，透過王導演分享的內容我嘛吸收著伊看待人生的方式，真佮意聽伊講話，因為每一字每一句攏講對我的心肝底。因為我有報名特派員的志工體驗，所以講座結束了後閣和王導演佮一寡仔演員鬥陣食晝，阮開講若親像老朋友咧，導演佮演員攏真親切真古錐!對矣老師我有佮怹講到你噢哈哈哈 J
