Hongtin Tsok-gia̍p bāng

這禮拜陪爸爸媽媽到南部tshit-thô，攏總欲去屏東、墾丁、高雄3个所在，預計4天結束。雖然天氣沒講真好，所以第一工其實攏佇坐車爾爾。

  毋過，第2工是好天，阮就去佛光山參拜順紲吃个平安餐。予我意外的是，佛光山的餐點竟然比我想的還要高級，真正看袂出來這是素食的餐點。

   今仔日透早我就出門去準備去台北參加一个"王國民"聚會。 出門前，我小斟酌一下我欲紮的物件。然後就去台中車頭坐公車去台北。這馬坐公車到台北只要2點鐘爾爾，實在是真緊。

今年歇熱的時，頭一个禮拜欲出國tshit迌，紲落來閣欲去墾丁耍三工，真正予我足期待的，我感覺家己真幸福，爸母會tshuā阮四界tshit迌，心內真感謝怹。阿母捌共我佮小妹問，後擺若是阮攏大漢會曉趁錢矣，敢會tshuā伊佮阿爸出去耍，敢會tshuā怹去食好料的，當然嘛會，這馬的阮會當遮好命，攏是爸母怹的辛苦所換來的。雖然我知影，阿爸阿母總是無條件的對家己的囡仔好，無要求嘛無向望咱愛回報怹啥，毋過咱一定就愛會記得，若是無怹共咱疼惜，就無今仔日幸福的家己。

我的頭毛本身就會虯，實在無好整理，定定睏- -起來的時攏會七曲八曲，予人感覺足刺鑿的，所以佇頂禮拜我決定佮阿母做伙去電頭毛，猶會記得真久進前我捌電過直的，毋過干焦一禮拜的時間頭毛又閣虯倒轉來矣，想講這遍規氣共伊電虯的，欲虯逐家來虯。電煞了後，佇遮熱的天頭毛愛擋三工袂用洗，誠艱苦。這馬感覺這个新的形猶袂bái，人看起來較有精神！

直欲期尾矣，有真濟考試愛準備，我愛好好把握時間，共猶袂完成的工課緊做予了，才會當有一个輕鬆的暑假。

    時間過了真緊，馬上就欲期尾考矣，阮嘛會當放假矣，毋過佇月尾進前也是欲認真讀冊，好好去準備每一項考試。

    後學期我擔任奪鐸聲合唱團的社長，這是一个新的挑戰，因為這不但愛有帶領社員的能力，閣有傳承歷史的責任，咱攏是大學生矣，閣無掿久就愛出社會揣頭路，為著生活來拍拼，所以就愛學習家己負責任，袂通啥物代誌攏愛叫爸母來處理，但是有時陣遇著咱無法度處理的代誌時，爸母永遠是咱上有力的靠山，然後對邊仔去學習，按呢，以後閣遇著相仝的代誌就知影欲按怎處理。

  這禮拜發生較濟代誌，每個禮拜二我佇學校攏無課欲上，會當家己安排活動。
因為阿母是家庭主婦，平時伊佇咧厝內底嘛閒閒無代誌，想欲出去走走，

這禮拜是咱學校的畢業典禮，台語系的大一、大二的學生攏有足濟人來參加，我心裡想，擱過三年，我嘛愛畢業了，三年講長無長，講短無短，三年的時間，要按怎運用是家己知影的，雖然講大學的學生有的是足濟的時間，但是我有聽一個佇中國足有名的老師講過，無論是一個興趣，只要你練習有一千鐘頭，就會變成你家己專長，我想佇這三年的時間，至少愛培養出三個專長吧，按呢才袂浪費這三年的時間，因為三年之後欲拄著的代誌會擱濟！努力啦！

佇咧欲畢業的這禮拜，逐仝攏咧想猶有啥物代誌無做，抑是猶有啥物代誌無完成佮實踐的，欲畢業才知影佮政情想的完全無仝款。開始有無仝款的思想，無仝款的情調佮無仝款的氣口，逐家攏變甲誠坦白、誠敏感，無人規定氣氛的起落，紲逐擺攏用啼哭聲結束，彼種心酸酸的感覺著會佇這時陣流過嚨喉予你感受酸楚的滋味，離別的苦澀。無人會當解釋未來會變啥物款，但是阮相約五年佮十年以後，阮欲閣鬥陣講以前，講阮大學快樂的記持。

今仔日是警專放榜的日子，猶袂查的時陣，一直緊張，佇看著成績的當下，心中的大石頭總算是囥落來矣，這一年來的努力，總算是無白費，但是考著了後，愛較緊整理心情，紲落來的兩年嘛是誠重要，因為這影響著未來下單位，汝的表現會是按怎，希望以後的警察之路，順順利利，予人尊重！

最近拄著一寡代誌，予我佇咧想家己的決定敢是著的，尤其是毋知影家己所做的，佇別人遐，對伊來講敢有重要。毋過有時陣只是一个人佇遐想，嘛無較縒，規氣逐家共話講予清楚，按呢嘛會使予家己看較清楚、看較開咧。

真感謝有一陣好同學好朋友，佇我的身軀邊共我做伴、聽我講心事，雖然講怹會使予我建議，佇邊仔提醒我，毋過上尾做決定的人猶是我，我知影毋管我做了啥物決定，怹攏會支持我，上濟是等我踢著鐵枋矣，怹猶是會佇仝款的所在等我，予我倚靠。若是無怹我真正毋知欲按怎才好。

今仔日佮朋友去食一間叫tofu35的餐廳，伊的裝潢是親像咖啡廳，餐點卻是韓式料理，而且小菜會使一直點，上特別的是水啉起來酸酸閣甜甜，算是袂䆀，毋過內面有一寡仔吵，可能是好食到傷過歡喜啊，佇公共環境嘛是愛注意家己的行為莫造成別人的困擾較好。

昨昏半暝雷公佮爍爁拍未停，規个攏蹦蹦叫，足吵，害我三更半暝睏未著，世界末日可能欲到啊！這幾个月的天氣攏足奇怪，一睏仔落大雨一睏仔日頭赤焱焱，因為天攏屋白落雨，我的雨傘已經無見幾若隻啊。

　　最近的天氣實在是足䆀，每一年的這个時候攏是按呢，有時陣落大雨，但是過毋偌久，就出大日頭，熱甲欲死。面對按呢的天氣，逐天攏親像咧表演，一直換衫，短褲、長褲、䘥仔、外套……換來換去，嘛是足麻煩。

　　今仔日佇咧網路看新聞的時，看到可能有風颱的消息，雖然無一定，但是我有一寡驚，因為風颱的時，風大雨嘛大，實在是足危險，嘛會有人會受害。但是也有一寡期待，因為按呢就會當放風颱假啊！！唉，敢會使放風颱假，但是莫有人受害！

　　最近幾工小可仔感著閣有著痧的感覺，五月節彼工精神起來，發現眠床頂攏是血，予我驚著。洗衫洗被洗甲真忝，原來就是查某人逐個月的彼來洗，莫怪進前彼工遐爾眩。我逐擺來洗攏真疼，真正愛苦勸逐家查某同學毋通食冰，像我愛食冰，逐擺攏有血堅做一塊一塊，對身體誠無好。

　　這擺五月節無轉去厝，無法度食著外媽包的粽，真數念。暗時咧欲過十二點的時，感覺真想厝真空虛，就去7-11買粽，7-11的粽又閣貴又閣無厝內包的彼一味，予我真傷心，只好交代小妹幫我留幾粒粽等我會當轉去的時才食。