Hongtin Tsok-gia̍p bāng

    期中考彼禮拜，我心內的壓力真大，足驚會考無好。我四月二十號彼工足忝，因為我上班十二點鐘，轉到厝已經無氣力去讀冊矣，但是閣兩工就欲考英語，我一个字攏猶未看，心內足著急，毋知影欲按怎才好。隔轉工暗時我足緊看了一遍，毋過猶是無夠熟，尾仔我放棄矣，考bái就煞煞去。好佳哉老師真仁慈，無考傷困難，抑若無我就死甲真歹看。

    英語考煞規身軀變甲足輕鬆，上煩惱的一科總算結束，下晡閣毋免上國文課，愈想愈歡喜，結果煞袂記得體育課的考試嘛真歹過。我第一擺考足bái，我傷緊張，傷過在意姿勢是毋是有正確，我的手一直掣，拍的球攏烏白飛。好佳哉第二擺有及格，雖然分數毋是真媠，毋過我已經滿足矣！

　　我有一領運動裙褲，佇一個月進前才買落來，穿袂到兩、三擺的時，班上的一位黃同學著甲我借去，講是翕相欲用到的。較早，伊著定定佮別儂借衫去「外拍」，毋過咱發現著伊攏無好好愛惜別儂的衫！

　　有一擺，伊將衫還予林同學的時，林同學煞看著彼白色洋裝頂面予伊舞甲一痕一痕烏趖趖的無講失禮，嘛無想欲賠償，有夠惡質！因為彼領對林同學有真大的意義，所以同學非常心痛。但是心肝較軟的我，猶是會借伊衫，著是相信伊會好好對待衫，袂辜負我的好意。

    最近因為欲寫一个台灣史報告，我看著一本冊，叫做─想為台灣做一件事，作者記錄了對台灣有貢獻、有所堅持的人，有音樂、戲劇、雕塑、繪畫、文史佮其他的部分，本來是固定刊登在報紙頂的訪談記錄，尾仔編輯成冊，因為作者想欲讓閣較濟人來做伙探討「台灣價值」，想欲予逐家知影有足濟足濟人佇咧為台灣的藝術文化作努力。
     看完有一種深深的感覺，真濟人攏恬恬為台灣做事，怹無一定有名、無一定有權、無一定有勢，怹只是為一个單純的信念，彼就是愛台灣，怹有袂放棄的精神。我的一个高中同學，以前的目標是考著政大外交科系，想欲做外交方面的投路，嘛想欲為家己生長的地方盡心，後來遂考著交大的社會學系，不久前我問他以後想欲做啥物，伊遂放棄以前的志向欲考公職，其實我是覺得足可惜，嘛誠失望，佇我的心目中，伊是一个有能力的人，以前有遮爾大志向的人，落尾遂干願考公職，這是我毋想欲看到的。我定定咧想，以後畢業愛做啥物款的投路，想欲啥物投路?會當做啥物投路?這馬抑無定論，毋過我想我是袂甘願做一个公職人員，就按呢平平淡淡過一世人。我想欲成為一个有影響力的人，我做的代誌雖然無法度改變規台灣，毋過干焦有幾个人就夠了，予我影響的這寡人，會繼續用怹的行動來影響擱較濟的人，沓沓仔阮生長的所在會愈來愈好。

    最近H7N9的病情予人真緊張，因為原本病情只有佇中國，但是前幾個禮拜，台灣嘛傳出H7N9的案例，台灣馬上進入戒備，因為H7N9的出現，予真濟人想起十年前的SARS，驚惶閣一擺充滿佇台灣人的心中。而且最近的天氣實在是無啥穩定，前幾仝是出日頭、真翕熱，但是這幾仝閣欲開始變冷矣，這款多變的天氣予真濟人因此感冒，所以逐家攏愛好好注意天氣的變化，而且愛好好照顧家己的身體，才袂破病矣。

  禮拜一，我佮思諭作伙去中興大學聽史明老先生的演講，因為前一陣他跋倒，所以面上有烏青凝血，予我實在是真毋甘，高齡九十幾歲的他，講起他的人生經歷，猶原是真有精神，他細漢時蹛佇潭子墘，細漢時著捌林獻堂、蔣渭水，毋行中受到啟發，開始有反抗的意識，後來他閣親自抗日，發現雖有林獻堂、講渭水等英雄，台灣人有家己的性格卻無夠有志氣，一戰了後，獨獨台灣依然予人統治，毋人敢大聲表達想法，少年的時陣毋願意作醫生，最後選擇早稻田大學經濟政治科學習，全班干焦他是台灣人，1941年太平洋戰爭，日本反敗為勝，他的同學攏真願意參加神風特攻隊，史明先生因此受到真大的刺激，體悟到人生的道理毋是學科上的知識，顛倒是學習人的部分，人存在的意義佮目的。

這禮拜我佇網路上看著一篇文章，德國強制所有的囡仔，攏愛睏中晝，少數的公務機關佮公司嘛要求，因為人除了暗時正常睏眠之外，日時嘛愛睏眠，其中下早仔9點中晝1點下晡5點是日時3个睏眠的高峰期，內底以中晝1點效果上好，睏一个中晝會使得著真濟好處，第一壓力會減輕，第二效率變懸，第三記憶力變強，第四創造力變懸，第五減少30％得著心臟病的機率，第六著是會變瘦！睏一个中晝好處這爾濟，按呢對這馬開始我欲逐工攏來睏，1點嘛來睏5點嘛來睏9點…看覓會使睏毋，會使嘛來睏，這真是美好的人生。

這禮拜，是我這學期上輕鬆的一个禮拜，所以我拜一去逢甲大學，一方面揣朋友，一方面踅街，結果看著一領真水的洋裝，而且擱足俗，我著買落來抑，轉去宿舍了後，朋友叫我穿看覓，結果我穿起來，怹攏講真好看，我足歡喜。拜二去看電影—志氣，這齣戲是咧講景美女中揪大索隊的故事，我和朋友佇戲院感動甲一直哭，實在真好看，內面，有一幕，予我印象足深，著是有一个毋是揪大索隊的人，罵揪大索隊的人真臭，袂曉讀冊擱愛亂，予我真無歡喜，每一个人，攏有適合伊做的代誌，雖然揪大索隊的人讀無冊，毋過怹攏真認真咧練習揪大索矣，我感覺這佮認真讀冊的人無啥物無仝，煞予別人看袂起，有一種真毋甘願的感覺！總講一句，這禮拜過甲真輕鬆，耍甲真歡喜，毋過紲落來，著有英語的戲劇、人文學院的歌唱比賽、演講比賽擱有學長學姊的歡送會的活動愛準備…。希望我會當甲每一項代誌攏做甲真好。

        頂禮拜是期中考，所以這禮拜大部分ê成績都出來a，有ê考liáu袂䆀，有ê就比平常時淡薄仔毋好，毋過，既然已經考liáu a，毋管是好是䆀嘛無法度改變a，只能會當看佗位應該調整，按呢後擺才會進步。這禮拜拜二宿舍ê床位出來a，阮這房干焦有兩个人有抽到，四个人毋宿舍住，愛揣外口厝，這實在是真麻煩ê代誌，容榕足早就揣好a，賰阮三个，昨天阮去看一間厝，伊ê樓梯攏暗暗ê，房間予人ê感覺嘛親像鬼屋，阮三个用上緊ê速度看liáu出來，䆀輸咧比賽，實在是有夠恐怖。

　　青春到底是啥物？這是對我上大學開始就想袂停、是我足想欲知影ê代誌，讀高中時，上課認真讀冊、下課作伙打球爾爾，這就是青春。今仔日佇完全無仝ê所在，我想代誌無遮爾簡單，理所當然冊仝款愛讀，但是除了讀冊以外，我閣會使做啥，參加排球佮羽毛球系隊、一兩擺志工活動猶有工讀、班上合唱、運動會活動，每一擺活動逐家攏會有無仝款ê意見有時講到規面赤紅紅，有時陣差一點點就欲相罵相嚷，過了一暝隔工猶閣笑頭笑面，我家己想，這就是青春，每工每工攏用袂了ê精神、活力佮笑容。

頂禮拜拄好結束期中考，青kìn-kìn ê 氣hun總算是輕鬆落來，我lia̍h做家己準備也算夠氣，希望成績出來毋通真phái看，期末考嘛愛好好準備。

這咧禮拜四暗時有一个考試，是以後會使選修教程ê考試，我嘛有報名，考試ê範圍是國中坎站ê國文佮數學，閣有做老師ê意願，國文我無掛心，毋過數學我就有點寡仔驚惶，對khah早開始數學就是我上無好ê科目，我對數學ê興趣無法度親像別ê科目仝款，上課ê時陣聽無，就算有準備，考試ê時成績抑是真無好，所以就造成逐擺考數學ê準備時間就較少，自然數學就是我上討厭ê科目。

本來我想說這個禮拜沒啥代誌好寫打算講閣來介紹冊，毋過佇禮拜三發生一件代誌讓我有東西通寫。

遐是佇差不多下午發生的代誌，阮媽媽突然開始一直打電話來問我代誌，伊開始我只是感覺媽媽今仔日足無相共。

頂禮拜个考試雖然考了無啥滿意，嘛算是結束矣，毋擱遮擱有真濟代誌等我去做咧！這禮拜除了幾項功課以外，我擱愛上台報告三擺，實在有影忝。有關上台報告，其實我足驚面對遮爾濟人去講話，猶其拜四擱愛用台語報告，我只要一緊張，話著講袂清楚，希望拜四个報告會當順順利利，拜五愛報告遐爾濟時間（二十分鐘）嘛會使堅持落來。

這禮拜有一件予我真歡喜个代誌，彼著是我揣著厝囉，嘛揣著欲鬥陣蹛个朋友，租金擱真便宜，實在足好个，抑毋擱我猶原較想欲蹛學校，這擺無遐爾濟床位，我嘛無抽著，有一點仔傷心。

    這禮拜是予我上緊張的一个禮拜，這是為啥物咧?因為這禮拜會分期中考所考的考卷。看著同學一个一个行進前去領考卷，我的心臟是咧欲跳出來。雖然這擺考試的成績無我原本想的遐爾悽慘，但是嘛無講蓋理想。所以，我決定欲更加用功讀冊。我欲佇期尾考的時陣，好好表現予對我有所期待的老師看！

    這禮拜閣有一項代誌予我真煩惱，遐就是揣厝。因為無抽著學校的宿舍，所以我愛去揣新學期欲住的所在。毋管是對網路上揣、問學長佮學姊抑是去街路黑白揣，我用盡所有辦法就是想欲揣著較俗、較好勢的厝。希望我會當租著我理想的厝！