close
今年的端午節過甲誠無氣氛，以前擱蹛佇厝底的時陣，規家攏作伙食肉粽、鬥相共攢欲拜拜的物件，細漢時，嘛會佇透中晝時立蛋，干焦買著一个香包就會足歡喜的掛咧，逐工搢足濟肉粽進腹肚，愈想愈懷念。毋過今年，因為干焦有一工的假，無法度轉去厝團員，所以佇台中過端午節，過著一个無肉粽、無香包、無立蛋的日子，對真濟工之前我就一直足想欲食肉粽，想欲食彼種有鹹卵仁，擱有大香菇佮大塊肉的彼種。中晝時，毋驚落雨天，我佮同學去菜市場想欲買一粒，來過一个氣氛，想袂到竟然攏賣空空啊，一粒攏無食到，反倒予雨沃甲澹糊糊，真正是足傷心的，毋過會當離開學校附近，到別位所在食飯嘛是一種趣味的代誌。
全站熱搜
留言列表
