Hongtin Tsok-gia̍p bāng

    這拜一阮阿爸載我轉來宿舍，因為我kah阿爸、阿母做伙去南投ê紫南宮拜拜。苗栗ê天氣不是很好，但是kàu南投liáu-āu日頭就出來ah，就感覺有tām-po̍h-á熱。kàu紫南宮í-āu，我驚著ah，不是拜一嗎?是按怎 tsiah-nī濟人，萬一是假日來毋就koh-khah濟人…等爸母拜suah以後，就在hia食真好食ê中晝，順紲踅街tsi̍t-ē，閣買我上愛食ê番薯餅，我足歡喜。我閣kap阿母講，莫予阿兄看著，愛幫我藏好勢!因為頂擺tsi̍t大包ê番薯餅攏予伊食去，我無食著。尾仔，阿爸就開車載我轉來台中。 in就愛趕緊轉去做 in ê工課。

遮禮拜因為阮女朋友伊出國去耍，伊去泰國四天因為按呢所以我有真多時間

是家己一個人，雖然有一寡孤單不過另一方面嘛真輕鬆。禮拜一我和同學去

      拜ㄧ我無修課，拄好佮同學作伙出去耍，本來足想欲睏，毋過聽講欲去同學in兜吃飯，聽了我著決定欲去，進前有去吃過一擺，

真正是太好食，雖然 愛睏嘛想欲去。

昨hng暗時kap同學同齊去看電影，本來是phah算愛看哈比人，不過哈比人禮拜五暗時chiah上映，所以改看另外一部，魔女嘉莉。雖然講chit-ê部片是限制級，不過我感覺無真恐怖。Chit部片是tī講一個高中女生是單親家庭，伊的媽媽是一個基督教宗教狂，認為世界上所有的男人攏是pháiⁿ人，所有的女人攏是罪人，只有伊kap 查某囝teh贖罪，其他人攏是佇褻瀆神。嘉莉自細漢就tī這充滿精神壓力的情況下長大，大家攏排擠伊，了後來因為tī泅水課時初潮來了，但是伊完全無知影那是甚麼，驚恐的向人求救，顛倒被嘲笑，予伊的念力慢慢的對壓抑的生活中爆發。終其尾tī畢業舞會上，因為有一位霸凌伊的主導者，用機關kā嘉莉淋的 kui身軀豬血，嘉莉氣的發狂，用念力大屠殺kui-ê舞會，kui-ê小鎮，死去四百gōa人，最後tńg去厝裡伊那瘋狂的媽媽竟然認為伊是惡魔附身，the̍h刀boeh殺伊，嘉莉難過受氣之下殺了家己ê媽媽，最後跟tòe媽媽同齊邁向死亡。看完chit部片感覺霸凌真正是真需要被重視的一個問題，不管是同伴之間，或是政府對人民的壓榨，攏是需要被認真看待的問題。

空白ê紙張 用筆去記錄每一個悸動時刻

刻劃出心中之構造 譜成華麗優雅旋律

昨暝，下班了後，我和暗班的同事做伙去聚餐，逐家攏食得真歡喜，佇這時陣，逐家攏無壓力，毋免因為工作上的代誌，影響到心情，嘛佇這咧時陣，逐家會使聯絡彼此的感情，討論工作上的問題，以後工作會閣加順利。結束了後，回到厝的時，已經是半暝一點半啊!這幾工，發生一寡代誌，佇工作上，嘛遇著困難，毋過，逐家攏真好，會共我鬥相共，教我解決問題的方法，予我進步誠濟，我真感謝逐家的幫忙，予我會使真緊適應這份頭路，嘛做得真歡喜。

頂禮拜五我邀請小妹同齊參與學校舉辦ê演唱會，我kap小妹同齊看表演真開心mā真興奮，án-ne好ê tāi-chì當然boeh kap家己小妹分享，有真多以前無看過ê明星來到咱學校表演，大家lóng真興奮真熱情，每一個人lóng熱情ê回應明星精彩ê表演，無nā明星得到真多ê歡呼，iáu有校長一出現mā有真chē人熱情歡迎，校長mā真開心大家對伊ê熱情，所以主持人叫校長唱一首歌，校長就獻唱一首伊siōng愛聽ê荷蘭民謠，校長唱得非常投入tī歌曲裡面，咱聽完心情真歡喜，因為校長非常大方ê唱一首歌予在場所有ê人聽，校長真正予人非常感動、真有誠意，我ê小妹講咱學校非常團結真熱情，伊非常意外無想到校長唱歌對咱來講真特別，伊講得真bē-bái，因為校長出現予咱學校大家ê心koh koh-khah團結，校長唱歌對咱來講真有意義，Hit晚表演感受到咱學校ê熱情kap團結，真開心我tī án-ne棒ê大學裡讀冊！

遮禮拜六，轉去屏東共a-má慶祝九十八歲ê生日。

tse禮拜我回到我ê家鄉新竹，hō͘阿母過生日，lán一家口鬥陣去西餐廳食飯，真久bô án-ne做伙開講，真開心。

另外也看見佇日本留學ê表姊，伊ê日本話，káng著真紲拍，伊ê穿插有綴時行，感覺伊佇日本改變足chōe，無論是思想抑是外表。

       天氣愈來愈冷，愈來愈有聖誕節的感覺。滿四界攏看的著足媠的燈火和佈置。

轉來家鄉，暗時經過百貨公司看到伊的佈置，看到燈火閃閃爍爍，真迷人。

   禮拜六是我表姊頭倒客ê日子，辦桌ê所在是tī台北汐止，排tī晚上，所以阮愛提早坐車才會使會赴這重大ê時陣。

     前往台北ê路阮攏 bô tú-tio̍h 塞車，tī高速公路擱歇睏兩介，一點出發四點左右就到餐廳啊! m̄-koh誠好笑，婚禮六點kah e開始，所以阮這陣先來ê人m̄ 是leh 啄龜，就是leh吃糖吃瓜子做藝量，細漢阿假那感覺舉辦婚禮ê房間真適合chhit-thô ê所在，滿四界走相迮，益是鑽進桌仔腳 sńg bih相找，看桌仔略仔leh搖，實在誠驚桌仔e 去互in péng倒。

   假使講妳是一粒星，就毋免大聲喝咻，驚無人共妳看。假使妳毋是一粒星，按呢妳就愛閣較拍拚，總有一日有人會發現妳的好。

上驚妳毋是星閣毋拍拚，干焦會曉怨妒天頂光明的星，紲無看覓阿家己是差人偌濟，家己無進步閣怪別人傷厲害，這種話是欲講乎啥人聽？這是我近來的感想，向望我會當閣較拍拚，佇逐方面攏會當閣進步。 (下底閣有)

這禮拜好無聊，所以我寫了一首短短ê文章。
柳川邊á ê台灣金雨樹真súi

   這陣仔，天氣轉變足大，hiông-hiông ùi略略仔熱ê天氣變成足冷ê天氣，身軀猶未適應，透早起床ê時陣攏會全身軀皮皮銼，了後閣再tó下。因為天氣ê關係，所以這陣身軀有時會hiông-hiông無爽快，有可能是gàn到吧。可能我愛khah加注意保暖m̄-chiah著。

  假日ê時陣，我去我女朋友in兜ê工地看看。到了後，感覺足好，遐的厝宅攏蓋足súi，讓咱想欲住進去。因為，猶未完全用好，土腳á無平，閣加上in小妹愛溜溜走，所以直直跋倒，m̄閣伊跋倒攏無哭，實在是足勇敢。

今仔日考煞日文，暗時我佮朋友去看電影，聽朋友講，這幾工是高中生的期中考，這予我想起我高中嘛經歷過一段悲慘的生活，嘛是因為按呢，所以夜市佮電影院攏無啥物人，所以攏無人佮咱搶，欲食啥欲看啥攏有位，看電影前，阮佇夜市揣物件食，本來有看到一間袂䆀的店，但是門口無擺菜單，咱驚真貴，所以就放棄啊，後來阮去食一間牛排店，俗閣大碗，湯佮麵包攏食到飽，咱食兩袋的麵包，後擺頭家看著咱，可能會變面。看完電影了後，轉去的路上，因為朋友拄才講過的話，我想起以前高中打拼的生活，大學三年啊，予開始面對未來啊

  我tsit-má租 ê所在會當開伙，所以頂禮拜四下課以後，逐家tio̍h相約來阮家食晚餐。最近新聞lóng是tī報導外面ê烏心食品，看了真hō͘人感覺足恐怖。而且逐家同齊食，mā會當省菜錢，若是會曉家己煮，是一件足好ê 代誌。所以我kap同學下課了後，tio̍h同齊去學校附近ê黃昏市場買菜。真久無去逛菜市場，m̄知影現在什麼物件較貴，什麼物件較sio̍k，所以大家lóng挑家己愛食ê。Tńg到厝，大家同齊煮物件，感覺誠趣味。我mā真久無食到家常菜，因為我真久chiah會tńg去桃園，有一點想厝裡，所以當下我就決定下禮拜我beh tńg去桃園。食完晚餐，大家同齊作報告，等到大家各自tńg去厝裡時，竟然已經凌晨1、2點了。

最近天氣變化真大，長䘼kah厚的被攏對箱仔內提出來，暗時開始想欲食

tse禮拜是全國ê大專院校籃球比賽，lán學校分組分佇C組，lán ê對手有彰化師範大學、弘光科技大學、台中科技大學、中國醫學大學，內中實力最非常強ê對手就是台中科技大學，in每一年都是全國前三名，真不簡單。

比賽開始，起先lán非常緊張，表現ê足歹， 一點氣勢攏bô，分數落後誠濟，後來有一位學長受傷，因為對手刁故意犯規。暫停過後，lán ê氣勢就踜起來。佩命追趕，雖然最後原舊輸球，但是大家團結ê心，hō͘我真感動。感謝籃球隊ê每一個人。

Tú考完期中考，心情非常輕鬆，這禮拜lóng tī食火鍋，禮二我kap惟剛 in tī厝裡煮火鍋，我平時不常食菜蔬，今á日大概食了半年ê量，隔工社團koh同齊去食薑母鴨，其實我無真愛食薑母鴨，但有人有折價卷，所以就同齊去食sio̍k ê，昨hng回台北，朋友ê女朋友生日，阮大家koh去食火鍋，雖然已經食兩工了，但照常食不膩，我食了四盤ê肉，只ē-tàng講我可能beh變胖了。

這禮拜siōng開心ê事就是，我總算去洗車了！買車已經兩三個月lóng無洗過，心裡超不爽快，想起當初買車ê時chūn就真開心，用家己ê phah工錢買家己siōng想beh ê車，hit種付出代價換成ê自己想beh ê物件真正真有成就感！當初siōng想買ê車是檔車，但厝裡ê人除了爸爸全數反對，只好求其次，買第二尬意êＢＷＳ，我天生就歡喜kap普通女生無仝款，所以絕bōe想騎小綿羊那類真可愛ê車。
　　最近一直teh等班上男生講beh去洗車，但chit-pái只是小khóa用自動ê洗一下而已，第一pái看kui-ê流程，完全歡喜ê叫來叫去，感覺每一個物件lóng真新鮮好sńg，jú來jú期待下次in beh去大洗ê時chūn了！