Hongtin Tsok-gia̍p bāng

今á日ê考試好困難，雖然有背單字，不過臨時boeh寫卻寫bē出來，不過查單字ê速度iáu滿快ê，可見平常有看á是有差，最近有一點擔心我ê好朋友，伊siuⁿ少來了，希望伊boài被當siuⁿ-chē科，不然非常危險，尤其現在課約開jú少。

拜四學校的聖誕活動總算結束啊！

拜五我佮同學作伙去學校ê聖誕舞會,真正是冷吱吱,進前雖然也有舉辦,但是因為跤予蜂叮著所以無去參加,這擺我一定欲去參加。到舞會會場ê時，拄開始感覺氣氛真好，毋過後來愈徛遇冷，後來實在是袂堪得，阮著走去學校ê超商坐。這擺可惜沒抽著獎，但是有拄著教會ê人，也是一件快樂ê事。

 今仔日系上期中考試，這擺ê考試我準備足久，m̄過看到題目嘛是真緊張，尤其是聽力試驗ê部分，我也是愛慢慢仔聽老師ê發音馬會曉，看起來我bē使單單看冊niā-niā，一定愛一旁聽一旁寫，按呢進步khah快，對於記憶 khah有幫助。

聖誕節得欲到了，我捐了一寡仔文具用品，hō͘台中市家扶中心ê小朋友，希望in有一個開心ê聖誕節，會使助贊in，我嘛是笑咳咳

今á日早起系上有考試，會當看冊不過我卻bē記得帶hit-ê當下我佇心裡一直罵家己為什麼無準備好，好佳哉老師考ê題目攏會當在另外一本chhōe-tio̍h，就án-ne早起ê考試順利ê考完了，同學考完講暗時約欲食物件最後決定欲食火鍋，約暗時八點，我想講暗時八點猶久所以決定來睏一下，想未到我睏起來天已經烏了，我嚇到看手錶仔已經超過八點我趕緊準備出門，到彼爿同學in 攏到了予in等真正真歹勢，冷冷ê天食火鍋是siōng讚ê，食完完全lóng bē冷，真正是有效，爽。

　　頂禮拜，我kap班上同學同齊騎o-to-bái出去sńg。阮先去新社看花海。阮去ê時chūn花海已經結束loh，所以大家ē-tàng自由êkā hiah-ê誠水ê花帶tńg來去。雖然阮無看tio̍h kui-ê展覽，毋擱mā算是一个意外ê禮物。擱再來，阮tī山腳食了真有名ê「東東芋圓」，真正非常ê好食，大家lóng食了真開心。最後，因為大家ê心情攏非常好，所以就決定騎o-to-bái衝去大雪山國家森林遊樂園。因為是山路，所以阮攏非常小心騎，當阮lú來lú接近山頂，四周ê溫度嘛lú來lú低，不過風景mā是lú來lú 水。Tī阮騎到35KM時經過了一座橋，因為風景實在太súi--ah，所以大家就停落來歇睏kah翕相 ……但是，佇阮決定繼續騎時，卻有一個同學ê o-to-bái拋錨。因為無車行願意tsiūnn山來拖，所以阮只好家己推落去。實在是一個危險但是誠無仝款ê經驗。

今仔日tú考完台語ê期中考，抑是袂使輕鬆落來，下禮拜開始陸續有各種科目的期末考佮報告愛交，變成原本ê期末考提前來到。雖然這m̄是壞事，考試趕快考完對學生來講，是減少負擔，不過tùi下周開始，差不多逐工攏有，有考試範圍真大ê、真濟ê，koh或者是真複雜ê，攏需要花真濟時間來準備。
    考試只是一個過程，學習ê路袂停止，親像今仔日ê考試，只是用來檢視你ê學習有偌濟成效ê方法，我嘛無把握袂當達到一百分，至少我相信我家己，努力才有好ê收成。

這禮拜學校有21系聯合的聖誕周活動，阮自治性聯盟所主辦的，我負責點燈舞會這部份，有影添頭，代誌實在是太濟，連邊遐擱在遐，行來行去、走來走去，學務處幾日仔親像行灶腳。

拜四彼工舞會，我規工攏無閒，聯絡廠商、指揮佈置，透早到暗時無停過也無喘過，暗時舞會開始台頂、台腳、台前、台後攏愛巡一擺，節目時間的撙節、來賓演出的時間，規工我干焦靠一塊麵包 止iau，尤其彼天足冷溫度16度，也煩惱參加kap工作人員會感冒，無法度演出。

佇hiong-tshun中間並無真濟ê煩惱，有ê是純樸ê生活。 hiong-tshun ê生活自由，未受著約束，無親像佇城市ê生活時時刻刻攏佇操煩是毋是會遲到、是毋是會延遲後一个行程，雖然hiong-tshun生活是靠勞動，毋過佇心靈來講是輕鬆ê。

「知足」，就是對大部分ê物件攏感覺滿意，其中抑有足濟一般人感覺平凡、毋感覺著予人驚喜ê代誌。會當觀察著大自然ê美麗感覺誠幸福。予人kap自然和諧做伙。咱攏應該愛感覺知足。無閣忽略kah無情ê對待這爿土地。

頂禮拜ê假日，我以前tī高中同齊tòa-tī同一間厝ê室友來台中chhōe我sńg，我kap伊ê感情真好，所以伊beh來台中chhōe我ê時chūn我實在真歡喜，因為我現在一個人tòa兩人房，所以我就請伊同齊來kap我tòa，就ē-tàng省tòa宿ê費用，伊來台中sńg，身為台中主人ê我就帶伊去真多台中特別ê所在sńg，我第一工帶伊去阮/咱少年人siōng愛ê se̍h街路所在「一中街」，我mā帶伊食一中街裡面非常美味ê炒飯，伊講伊本來對hit-ê炒飯無興趣，毋過伊食過第一嘴就感覺非常美味，叫我第二工mā beh chhōa伊來食這間ê炒飯，過來就帶伊去阮查某人siōng愛ê se̍h街路地方，伊買了真chē衫褲beh帶tńg來去台北穿，第二工我帶伊去台中真有名ê冰淇淋店，叫做「宮原眼科」，就算是真冷ê天氣mā是beh去食冰，因為這tī台中真有名，而且mā非常美味，伊食完了後就講kap伊想像中ê無仝款好特別ê冰淇淋，阮第二工仝款á是tńg去hit間好食ê炒飯店，仝款阮koh se̍h街路買衫褲食一中街裡面ê小食，第三工我帶伊去台中有名而且koh súi ê勤美看看行行，伊真歡喜勤美帶hō͘伊ê爽快自在，Hia假日有真多狗tī hit-pêng sńg，所以阮/mā真好運ê kap hiah-ê狗sńg，雖然只有短短ê三工，毋過我實在真開心伊來台中chhōe我sńg，伊講伊下擺mā iáu-beh koh來美麗koh好sńg ê台中。

昨昏暗和同學做伙參加學校舉辦ê聖誕舞會，地點是阮學校ê風雨球場，風雨球場是開方式ê，也就是說無法度遮風避雨，雖然內底有對夜店請來ê專業DJ，帶動全場ê氣氛，毋過擱再勇健ê體格嘛是擋袂牢寒天ê苦毒。內底毋若有夜店DJ帶動全場肆虐氣氛，猶閣有場邊ê遊戲通好予阮拭𨑨迌，無予伊無聊去，顛倒玩甲得欲閃到腰，最後就是尚精采尚期待ê摸彩時間，逐家突然間恬卒卒，等待in手中ê摸彩券會當中大獎，我嘛有投摸彩券，但是我連一咧毛攏無抽到，有夠厭氣，毋過是一個難忘ê記憶!

時間過了真緊，連鞭學期欲結束啊，所以最近開始佇咧無閒準備報告，閣有考試，佇工作上，嘛愛開始做好準備啊，因為過年時，人潮會真濟，所以，若是無做好準備，恐怕到時會無閒袂過來，為了欲做好準備，愛用誠濟時間來練習，毋過時間總是過傷緊，所以常常會感覺時間無夠用，若親像咧佮時間走相逐，而且，嘛無時間會使轉去厝，時間算算，嘛有個外月無轉去厝啊!這馬，就希望考試會使順利通過，開始期待歇寒，到時就有時間會使排假，轉去過年團圓啊!

這禮拜無知影為甚麼感覺真忙，拜二討論通識課拍影片的代誌，拜三就隨時愛拍完。了後禮拜四愛考日文，拜五愛考台語。真正是真無閒的一禮拜。

閣有這禮拜拄開始的時陣一直佇落雨，溼溼冷冷的天氣猶閣愛騎車到學校去上課真正是一件真折磨人的代誌。拜二抽籤閣抽到我欲去參加院週會，抑有拜三下晡我欲去做以前無做完的服務學習，已經真久無共遐爾多代誌集佇了短短的時間內完成了，感覺親像這馬才開始佇咧讀大學的款。

最近天氣tsiām-tsiām變冷，足多同學攏感冒了，向望他們較kín康復，我家己嘛愛注意袂當感冒。

這禮拜三我參加了學校薑餅屋大賽的場控人員，看著逐家歡喜的作伙做著薑餅屋、

頂禮拜我攏一直塞鼻，但是閣無親像感冒遐爾嚴重，拜天的時陣，

因為規工攏佇翕影片，所以真忝，就提早去睏，想袂到第二工起床，

    禮拜我ê學長邀阮去呷好料，順便扣膦柝，伊已經畢業啊，這má leh 做兵，因為伊有申請替代役免去互操，m̄-koh hit 梯申請ê人傷過chē，有六萬人，其中有醫學背景mā誠chē，所以伊不是去醫院，是去新竹ê一所警察局服務。

        阮去品田牧場呷晚頓，這是我第一介來這間餐廳呷，誠新鮮。我點一客ê咖哩豬排，其中我尚感覺好呷ê是高麗菜絲，搭配特別ê醬，實在紲嘴，不過尚重要ê是我kah學長學姊開講講甲時間那不夠，學長一直回憶過去上課ê情形，益有偷偷姦撟幾個老師，講一寡老師無啥gâu教冊，互學生定定啄龜，趣味趣味!

           禮拜日chá-khí，外口風雨足大，m̄-koh我也是愛出門，因為我女朋友轉去看in阿公kap阿嬤，所以我欲去in兜替in阿母照顧囡仔。風雨假那無生目睭，害我ê衫褲攏澹漉漉，tī公車頂頭直直khí-ùi-kôaⁿ。

　佇咧高中ê時陣，我就捌看過這本冊，毋過彼當陣猶無現在咧看ê彼種深刻ê感覺。上大學了後，家己有閒錢矣，才有機會買這套冊來收藏，會當共這種寫「台灣精神」ê冊囥佇咧我ê冊櫥阿，就感覺誠歡喜！ （下底閣有）

頂禮拜五暗時學校有辦校園演唱會，請了幾個大角色，所以來ê歌手明顯比舊年少，不過mā因為án-ne hō͘阮聽得koh-khah過癮，親像是壓軸ê楊丞琳就多唱三首歌，hō͘台下ê觀眾kui-ê真歡喜，頭前ê大嘴巴mā帶動kui-ê氣氛，真Hight！
　　這禮拜一因為無課所以kap大家約好去同學家食飯，了後同齊衝大雪山，無想tio̍h teh-beh登頂ê時chūn，有人車發bē振動，結果無到siōng高處觀賞美麗ê雲海，不過無關係，咱á是到了真高ê所在，夠額阮欣賞真久真久ê美景，iáu有大家作伙ê感覺真好真開心。  

頂禮拜，我kap朋友相約去新社看花海，警察管制車輛的出入，se̍h一圈按另一頭入去，人實在是太濟，害阮人狹掙掙無法度行，一段短短的路足足行了20多分鐘，現場看過去，花海有影好看，但是有寡花輩沒公德心的遊客踏倒落去，就因為愛欲翕一張相人佇花海中的 “綴流行”

時間過了足緊，連邊12月份阿，自治性聯盟的21系學會共同舉辦的聖誕週聯合活動，準備開始，我負責舞會的活動，聯絡廠商、表演單位、場地租借、預算開銷等，一粒頭抱在燒、燒到尻川頭，這幾日仔攏睏無飽，時間無夠用!希望舞會成功我暫時會當休息，啊!佮有囝仔營!