close
這禮拜四、拜五上台北立法，佇遐看著真濟為著家己發聲抗議的學生，嘛有人勒講：恁遮仔學生到底知影啥物貨? 我心內想：條約內容是其次，主要就是反政府的黑箱。
這兩天按呢靜坐落來，真正毋是普通的辛苦，根本毋是親像國民黨所講的是民進黨指使派來的，家己來坐看覓，甘像in所講的?這兩天真和平，無任何衝突，阮用家己的方式來表達不滿，就是抗議，馬政府拖愈久，煞愈堅定我的心，袂這呢簡單就放棄!
警察打人真可惡，毋過毋是逐個警察攏是安呢想，有的警察一爿驅逐一爿流目屎，我有朋友，伊爸爸就是做警察的，嘛佇這次的學運徵調北部的警察，連續9天的支援，就在今仔日(28日)因為傷疲勞致使中風而且進入3級昏迷...
有的警察應毋是阮的敵人，in只是穿制服企佇對面的台灣人，這個學運傷使人拖磨就是夭壽馬政府，in愈拖，就愈傷害in的部隊──警察的性命。
全站熱搜
留言列表
