Hongtin Tsok-gia̍p bāng

　　拜四的時陣臨時起意，決定到台北度過這个拜六禮拜。台中強欲予我喘未過氣，我需要大姊佮我的好朋友予我力量。

　　拜五暗時坐三點鐘外的車才到台北轉運站，想未到朋友蹛的輔大竟然離台北轉運站遮爾遠！坐到輔大我攏欲睏去矣。蹛佇輔大的朋友是我的國中同學，是一个真古錐的查某囡仔，我已經足久足久無看到伊矣，看到伊佇捷運站門口等我的身影，我笑到眼角。拜六阮鬥陣去公館食中晝，佇溫州街附近踅矣踅，最後行入去一家韓式料理。出乎意料的好食矣！豆腐鍋的豆腐毋是咧講耍笑的！下晡伊陪我去統一阪急揣大姐，我真思念我大姐！雖然只是坐佇邊仔看伊做空課共伊講話我嘛是真歡喜！暗時食了一間足好食的越南料理，敢若是叫做＂鼎越豐＂，佇市政府附近，生意誠好！阮真幸運，一入去就有位，欲離開的時陣才發現排隊排到大路，涼拌雞絲真正是太好食矣！了後去大姐兜蹛，佮貓仔耍，佮大姐司奶，我規个人又擱充滿力量矣！

　　禮拜佮我高中上好的朋友去好丘欲買貝果，竟然賣煞矣！！因為傷過傷心就買了一球九十箍的冰淇淋，好食！！！

　　原本鬱悶的心予台北的大家治療好矣。