close
Tsit-禮拜四欲歌唱比賽，我是伴奏的人，所以真緊張…。雖然我學鋼琴已經學真久矣，毋過表演、比賽的經驗實在真少，我足驚我會thut-tshe，害著逐家。
最近實在真無閒，逐个課程攏有足濟功課甲報告，和頂學期差真濟。雖然一開始真袂慣勢，後來慢慢調整，這馬袂感覺遐爾忝矣！
昨昏接近第三節課的時陣，雄雄大地動，hi當陣，我和同學當le行路，雄雄感覺一陣頭眩目暗，我掠準我是因為無食早頓所以才會按呢，毋過看著逐家攏真驚惶的le喝：地動矣！
Tsit改的地動無人受傷，實在真好，毋過有一寡學校的建築的壁必開矣，希望怹會當趕緊修理好，才袂害人受傷！
全站熱搜
留言列表
