close
沙洲發生了地動
百萬房厝齊徒動
倚近欲看啥le動
全部雄雄bô移動
蹲le邊仔直直等
日頭炎炎亦是等
透風落雨嘛欲等
整日著是等等等
突然房厝閣振動
阮ê心頭嘛振動
看到牠ê嘴le動
食菜食kah尾巴動
原來答案是烏龜
腳手短短摸就縮
遇到風風亦雨雨
縮頭縮尾是常有
不管是抵著透風
亦是去抵著落雨
想欲食伊攏免望
牠ê殼著是希望
牠ê性情嘛真好
個性溫馴bōe大阿
人人看到攏講好
真正hō͘人真o-ló
作人m̄通像烏龜
遇到困難頭縮縮
這欲成功罕得有
這種決心你敢有
不過有時愛像龜
愛忍耐ê事愛龜
你講這代誌那有
人生不如意盡有
人生就親像做夢
功名利益攏入夢
誰知本是一場夢
亦是整日夢夢夢
人人嘛像le做戲
與人鬥陣忠肝戲
夫妻相處囝仔戲
對著父母嘛le戲
人講這世界有愛
不管是男歡女愛
亦是有孝親情愛
攏愛看你愛m̄愛
這世界需要真愛
唯有愛才會化礙
親像龜恬恬le揹
揹著世間ê大愛
全站熱搜
留言列表
