close
台語歌仔冊補交
嘴扁扁巴肚圓圓
食菜食肉配蟲子
走路親像老歲仔
一擺一擺慢慢行
腳有腳掌愛泅水
歡喜耍水的模樣
親像水餃tu煮熟
浮底湖水的頂頭
熱天中午日頭赤
不驚曝黑照耍水
下晡日頭落山時
bih底樹khia底歇睏
三不五時有人來
偎近想欲摸一下
拿出相機照一張
頂頭有我白鴨子
暗時學生手牽手
作夥來到湖水邊
男男女女講甜蜜
大家惦惦攏咧看
歇睏大家作伙來
鬥陣散步湖水邊
作伙有伴抬槓好
清氣清氣青草地
我有朋友黑天鵝
仝款住底湖水邊
姿態真好人人愛
囡仔看到真歡喜
都市囡仔認識阮
學校老師攏有教
如何分辨阮兩個
不是顏色來分別
脖子長長黑天鵝
腳有腳掌是鴨仔
簡單分出咱是啥
天鵝鴨子長夠像
白鴨子及黑天鵝
住底同一口湖水
台中中興學校內
有閒朋友相約去
全站熱搜
留言列表
