Hongtin Tsok-gia̍p bāng

 Kin-nî　sī 2011年的尾溜，hê-kòo　kin-nî　kui-nî內huat-sing的tsióng-tsióng代誌，有歡喜也有pi-siong，嘛有su-iàu huán-sénn kap kám-in的所在。佇kin-nî我尚想欲感謝的人是阮媽媽，阮媽媽予我足tsuē支持，不管是tsing-sîn上抑是bu̍t-tsit上攏是尚支持的，佇tsing-sîn上，伊定定打電話予我，關心我佇外口”有安怎無?”，天氣變冷會問”有加穿衫無?”，雖然是kán-tan的問候，但是佇我心內實在kám-kak足溫暖。另外佇bu̍t-tsit上，伊定定會問我所費有夠抑是無夠，若是無夠伊著寄錢予我，予我佇生活上無負擔。若是我缺啥伊攏會幫我tshuân好勢，對我是足照顧，所以我以後有能力我一定愛好好有孝阮媽媽，伊對我實在足用心的。

  如今我已經是大學四年的ha̍k-sing a，該愛對我家己的bī-lâi打算，毋通啥物攏無準備著作米蟲，踏入這咧社會著愛有出脫、愛認真打拼，做代誌愛照起工，毋通貧惰，將來tsiah-ē有能力去照顧我需要照顧的人。希望明年2012年會通更加有sîng-tióng，比今年擱較進步，因為2012年是我人生中一個轉變的所在，是我對學校踏入社會的一年，凡事攏是新的物件，不管將來欲安怎打算，攏愛好好計畫家己的bī-lâi，做一個有用的人。