2011年欲感謝的一切 99AD023黃詩涵－Hongtin Tsok-gia̍p bāng

人講2011是世界末日，因為按呢，大家攏真驚惶，雖然我覺得這是一个好笑的流言，毋閣，我覺得本來就要好好珍惜生活的每一天，益閣有咱身軀邊的每一个人，並毋是等到家己偆最後的24點鐘才來後悔。每一工，我攏佇人群中來來去去，毋管佇課業上、生活上，咱攏會去接觸到足儕無共款的人，這一天，我覺得學著足儕，我欲感謝的人也足儕，但是上感謝的人抑是我的爸媽，因為 in予我讀冊，趁錢予我過好的生活；欲走入人生中的第20年，我才發現生活之中，有足儕事情，攏會使得到無共款的領悟，對於遐bat傷害我的人，並沒無啥mih原諒無原諒的，只有感謝，因為遐的人經倒我，卻也使我成長。新的一年，我希望我更加珍惜生活中的每一工、每一个人。我覺得咱攏要好好去看、去聽，咱行過的彼條路所有種種的事物，因為這條路，咱攏未閣行阿。青春！只有一擺。