我的2011年 99AD15 曾巧雰－Hongtin Tsok-gia̍p bāng

佇2011 tù 開始的時，1/14號我出車禍，我走佇路e hō一台違規的車撞著，所以我欲感謝我的同學，佇咧第一時間踮佇我的身軀咧陪我，予我袂驚惶，雖然彼當時我無意識，毋過我有感覺著in 的緊張，咧緊張我的狀況，而且我咧檢查的時陣，in 依原陪佇我的身軀邊，實在是足感心的，另外我欲感謝的是我的阿爸，佇咧聽著我出車禍的時，即時趕來學校的病院看我，彼個時陣我感動甲想欲哭，雄雄發現阿爸是足愛我的，頭一擺發現阿爸對我的愛即呢濟，阿爸嘛佇咧著傷的時陣照顧我，一直到我好起來，實在是足感謝我的阿爸。
我欲原諒我的小弟佮小妹，因為我轉去厝內的時，in 一直恥笑我，講我是因為大箍才會hō 撞著，彼當時我實在是足生氣，無過這má想起來，in是因為看到我無代誌，才會佮我講耍笑，所以我原諒in，因為in是愛我的。