close
阮兜ê總舖師
我認為，我ê老母是全世界上好ê阿母。
阿母對我真冷靜，真少看到伊激動ê模樣，著算我kah伊司奶，伊嘛無反應，只是恬恬共我看。雖然伊對我有淡薄冷漠，伊嘛是上古錐ê阿娘，只是m̄知影按怎表達，總是偷偷關心我。我逐擺心情毋好，只要聽著阿母ê聲，無論伊是罵我抑是恥笑我，我攏會感覺真輕鬆。
阿母是總舖師，我合意阿母做ê菜，因為阿母知影囡仔愛吃啥，會迴避我討厭ê物食。我kah阿兄阿姊上合意kah阿母點菜：端午節要粽、中秋節要月餅、冬天要米圓、熱天要食冰，三不五時閣愛肉包、水餃，雖然阿母定定怨嘆阮共伊創治，毋過伊也是會替咱準備。
阿母已經欲六十歲矣，雙手嘛攏是傷痕。雖然毋是上美ê手，一定是上溫暖、充滿愛ê一雙手。老母親像我ê神明，我也會愛護伊、給伊歡歡喜喜過日子。
全站熱搜
留言列表
