close
拜六我佮阿姊去新竹的中山公園看〈紙風車劇團〉的表演，彼工的主題是《臺灣幻想曲》，分為五个部分：「唐吉軻德」，年老、餒志的唐吉軻德，受著在場囝仔的鼓舞，又閣踏上冒險的路途；「新竹的故事」， in用幼膩的表演手法講新竹的故事，予小朋友會當從十五分鐘結合投影片的表演當中，孰似家鄉的歷史佮在地的特色；「海底總動員」有十外个無仝的充氣魚欲參加泅水比賽，將台下囝仔的手當做是水草，充氣魚佇興奮的囝仔頭頂懸傳來傳去，囝仔攏真歡喜，笑kah嘴開開，彼个畫面看起來實在是真趣味！「只想和你在一起」，配合吳念真導演講家己的童年故事的聲音，〈紙風車劇團〉配插演出感動逐家的親子故事，看完這个表演，台下的囝仔攏佮in的阿爸、阿母攬tiâu tiâu，講出in的意愛；「黑光幻想曲」，佇烏暗中，用螢光的彩棒做出精彩的表演，活潑跳動的彩棒組成一幅幅美麗的畫面，予逐家十分讚嘆！
看完〈紙風車劇團〉的表演，感覺in真正是用心佮努力的一群人，in為著全台灣的囝仔，四界奔波，欲予囝仔看著傷精彩的表演，我真尬意佇in的表演中的童真佮努力、毋放棄的精神，má真佩服in的「孩子的第一哩路－Frist mile kids’smile 紙風車319鄉村兒童藝術工程」計畫，希望下擺有機會會當看in的其他表演。
看完〈紙風車劇團〉的表演，感覺in真正是用心佮努力的一群人，in為著全台灣的囝仔，四界奔波，欲予囝仔看著傷精彩的表演，我真尬意佇in的表演中的童真佮努力、毋放棄的精神，má真佩服in的「孩子的第一哩路－Frist mile kids’smile 紙風車319鄉村兒童藝術工程」計畫，希望下擺有機會會當看in的其他表演。
全站熱搜
留言列表
