close
期中考總算是考煞矣！因為這學期我總共有29个學分，所以對我來講，足濟考試範圍愛準備，每一本愛讀的冊攏遐爾大本，疊起來若親像山；閣有一寡無仝款的報告愛做。
煞落來，5月是社團的大月，愛辦足濟足濟活動，所以每一份企劃書攏愛佇仝款的時間進前寫出來，實在乎我感覺生不如死！這兩項，全部摻做伙，毋干焦只是「忝」會使行容的程度爾爾。
阿母攏共我講，「有才調的人，才會無閒，因為彼是別人信任你！」定定佇咧我想欲規氣放棄的時，想起這句話，攏會願意閣繼續拍拚！
我真多謝信任我的人，上重要的是感謝我的阿母，伊總是會乎我滿滿的力量；話閣講轉來，母親節嘛佇欲到矣！我愛來想一個慶祝方式，來感謝我心愛的阿母！ 
全站熱搜
留言列表
