close
這个月的活動實在是不止仔濟，媽祖生日、遶境，一直愛走外口，聽同學講，伊已經个外月無轉去厝的矣！參加遐爾濟活動，增加足濟經驗，予我的大學生活變甲足精彩的，毋過，耍甲遐爾歡喜，嘛是有費氣、無好的所在。
現實來講，著是錢的問題，火車、客運、食食等等，開佇交通內底的錢塊欲規千箍矣，加上其他的代誌，我無細膩共4月的所費佇4月上尾一工開了了矣，偆10箍，實在是足恐怖的!
閣來著是課業的問題，因為開足濟時間佇活動內底，減少看冊的時間，我是愛開時間理解、背冊的人，所以對我來講，一禮拜準備考試的時間是無夠的。
講是按呢講，毋過我耍甲足歡喜的，畢竟以前無這款經驗，以後無一定會有閒、有錢走外口、看台灣。
4月是一个足充實的一个月!
全站熱搜
留言列表
