close
頂禮拜是學校的期中考試，每一擺攏是到欲考試的時，才發現原來家己猶有遐爾濟的冊猶未讀了阿，偏偏無米兼閏月，閣拄著社團欲辦成果發表會，真正是蠟燭兩頭燒，真想欲揣一个分身來幫我做伙分擔代誌，彼一个禮拜我逐工攏嘛是早早就起床，但是晏晏才睏，予我想起彼陣阿閣咧讀高中的時期，每一日嘛攏是遐爾早就起床出門去上課，真正是真忝阿，後擺猶是較早準備才袂共家己揣麻煩，冊讀袂了就煞阿閣將家己的身體拍歹，真正是非常的袂和，雖然真懷念高中生活，毋過用按呢的懷念方式實在是傷過忝阿。
全站熱搜
留言列表
