close
東勢,客家,土牛堆,大埔腔,這擺由客語社所舉辦ê活動算是圓滿結束矣!相信逐家攏感覺袂䆀,除了會當熟似台中特有ê客語腔口以外,客家文化嘛是真多元、精彩。
佇土牛客家文化館,咱了解著劉文進先生ê歷史佮背景,客家建築ê特殊排列思想,予咱知影文化資產ê珍貴。月恆門ê古雅佮悲哀,透過邱先生ê話字,句句刻入人心。
西穎堂ê故事佮流傳,代代相存,寄託先民開墾歷史。上帝爺公ê起始佮信仰,記錄過去ê風俗佮神蹟。軟埤坑ê自然美景,𤆬領眾人ê目光,滿山遍野ê火金姑,點金逐家ê目睭仁。
暝時,自助式ê飲食,頭家ê熱情佮款待,予人感心在肚腸內。逐位老師ê解說佮用心,阮攏領收佇心中。雖然只是短暫鬥陣,煞是上大ê福運,向望後回再相會。
全站熱搜
留言列表