close
頂禮拜二是人文學院的聯合班會，本底我掠準會足無聊的，毋過彼工的聯合班會佮我所想的無仝，因為學校請「台灣飛鴻館龍獅團」來表演，「台灣飛鴻館龍獅團」是咱系的茂賢老師請來的，伊是想欲予逐家閣較了解台灣的民俗活動，同時嘛對咱台語系有真大的幫贊。我以前干焦有佇電視看過這種表演，毋過彼工卻煞會當佇現場看表演，我是足歡喜矣。
但是佇咧看in的表演予我感覺真緊張，因為我驚in會掉落來，毋過其實我毋免驚惶，因為in攏是有練過的，這規个實在是足精彩的，我真佮意in的表演。透過in的表演，嘛會當予咱學習著只要咱有心去學一件物件，不可能的代誌嘛會變成可能，只要努力，最後一定會當成功的。我希望後擺學校閣會當請無仝的表演團來學校演出。
全站熱搜
留言列表
