close
這規日雨落真大，親像欲做水災仝款，外口霆雷公真驚人，逐擺看著天頂有閃光就會緊共耳仔掩起來，驚霆雷公的聲音傷大聲。禮拜六去逢甲彼爿的張廖家廟做古蹟的作業，彼間家廟已經有一百年的歷史，門的頂面小可落漆，看得出來伊的歷史真久。
彼工天氣無啥雨天氣小可熱，翕相了後就去拄才經過時看到的冰店食冰，店內的裝潢看起來輕鬆閣好勢，可惜員工干焦兩个人，人客若是濟就會無閒袂過來。冰的口味不止仔濟，食起來袂䆀，毋過感覺價數小可貴。佇逢甲夜市買了暗頓就轉去學校。
全站熱搜
留言列表
