close
頂禮拜六是”中區大學社團運動會”舉辦ê日子，咱學校真幸運是這擺ê負責人!因為這是頭一年舉辦，所以咱做甲按怎真重要，會使講是予後擺ê學校一个榜樣。
阮社團負責ê是大隊接力ê部分，因為是上尾仔ê活動，所以透早ê時陣我閣有去拔河鬥相共，中晝時日頭赤iann7-iann7實在是有夠熱!規个人親像袂予烘焦仝款!
下晡食飽了後，我佮社員閣有報名趣味競賽ê活動，總共有四關，攏真好耍，我印象上深ê著是第一關”袋鼠跳”。我進前看人咧耍時，著感覺真趣味，這擺總算完成我ê願望，會使親自來體驗看覓!
每一个學校攏派8个人出來比賽，我是排佇上尾ê彼个，輪著我ê時陣，我著足拍拚用力跳，無想到逐家竟然講我著親像袋鼠仝款，有夠𠢕跳，害我感覺真歹勢，頭攏毋敢夯起來。最後，阮得到第一名真正是有夠歡喜lah!
全站熱搜
留言列表
