close
昨昏真正太鬧熱啦！人文學院的歌唱比賽圓滿成功！
昨昏我是工作人員，我負責音樂的控制，就是放歌點歌遐的代誌，我自三點就佇音樂廳啊，佇遐無閒到十點多，真正有夠忝的，但是看著遐的人，無論上台頂的表演者抑是台跤的支持者，逐家攏是遐呢啊努力，毋管是佇比賽前無停的一直練習抑是佇台跤看著家己的朋友，一爿煩惱閣愛一爿加油，看了就是莫名的足感動，而我會使做的就是用我的全力共音樂處理到上好，這就算是我對in默默的支持！
然後，我欲來發表我對這擺比賽的個人看法，首先，要講一下就是老師你的參加，真正是予逐家攏驚一著，而且老師佇台頂表現真古錐喔！
我個人佇三個分組內攏有真欣賞的選手，先來講客語，攏是阮系的學生，逐家攏超級厲害，第一名的那個學姐唱功一流，聽到我攏起雞母皮，學弟妹抑攏表現到真好，希望in後擺閣會使參加，接落來是外國組，英語系的彼咧女生唱歌好聽，佮吉他的聲音配甲拄拄好，當然我上蓋佮意的就是彼咧韓國人，真正有夠古錐，唱歌嘛好聽，依會使得到第一名真正替她感覺歡喜，希望依轉去韓國了後，這段在台灣的記憶會使一直陪伴伊。
最後就是競爭上激烈的台語組，說真的，只要是倚佇頂面的攏是真有實力的，每一個攏唱到我的心坎內，台語歌就是遮呢有感情，而且怡寧會使得著第一名，這件代誌真正予我超級歡喜的，阮是足好的朋友，伊上台前就一直足緊張，後來佇台頂表現甲有夠讚，與我鬆了一口氣，反正得到第一名真正太使人感動，我差一點就欲哭出來。
後擺的歌唱比賽我猶閣欲去看，嘛無一定就參加啊，因為我認為遮是一個予人感覺足充實又足精采的比賽，我真正有受到感動，逐家就好好啊期待後一擺比賽的到來！
↓阮交怡寧作伙翕的相片
↓我交音控台作伙的相片
全站熱搜
留言列表
