close
彼工透早，我接著阿母敲來的電話，聲音小可仔嚴肅，才知影原來阿嬤住入義大病院，希望會使看著我佮哥哥猶擱有阿母，所以一透早我就去店裡向頭家請假，然後完成錄音的作業了後，馬上趕去坐高鐵。趕到病院，遠遠就看到睏佇病床頂洗腎的阿嬤，真恬靜佇咧歇睏。
可能是聽到跤步聲，阿嬤目睭寥寥仔扒開，醫生講，因為進前阿嬤倒咧進食的方式導致肺部吸入性的發炎，頭殼裡的阿摩尼亞過濟，這馬愛注射插鼻胃管，觀察一暫仔才決定。在我看來，阿嬤算有精神，猶毋過伊想欲表達的話煞無法度順利予伊家己以外的人瞭解，簡單講就是表達上出現障礙，擱再進一步，阿嬤開始感覺家己話講袂清楚，人會覺得伊足麻煩，伊嘛無想欲安呢，一種力不從心的感覺我會使體會，看著身心靈攏受到病痛攪吵的阿嬤，我足希望伊會使回復到親像較早大聲嚷阮的彼个阿嬤，阿嬤，你著加油，孫仔不孝走遐呢遠讀冊，無法時常轉去看你。
可能是聽到跤步聲，阿嬤目睭寥寥仔扒開，醫生講，因為進前阿嬤倒咧進食的方式導致肺部吸入性的發炎，頭殼裡的阿摩尼亞過濟，這馬愛注射插鼻胃管，觀察一暫仔才決定。在我看來，阿嬤算有精神，猶毋過伊想欲表達的話煞無法度順利予伊家己以外的人瞭解，簡單講就是表達上出現障礙，擱再進一步，阿嬤開始感覺家己話講袂清楚，人會覺得伊足麻煩，伊嘛無想欲安呢，一種力不從心的感覺我會使體會，看著身心靈攏受到病痛攪吵的阿嬤，我足希望伊會使回復到親像較早大聲嚷阮的彼个阿嬤，阿嬤，你著加油，孫仔不孝走遐呢遠讀冊，無法時常轉去看你。
全站熱搜
留言列表
